蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月20日
馬上成為壹會員

梁小冰自感脫節 重新學戲

入行已有二十五年的梁小冰,她初選港姐時一直不起眼,因為當時在台上一個跣腳後識執生,最終登上港姐季軍,並獲當年評判之一的周潤發大讚「最有演戲天份的香港小姐」,小冰日前接受專訪時說:「好多人覺得我好精靈,但亦有人話我蠱惑,唔知係咪專登跣低,諗起都好笑。其實我份人好簡單,選美前已有演出經驗,拍過電影《小心間諜》,仲係女主角之一㖭,所以我一直都覺得自己好幸運,落妝後係一個好平凡嘅女仔,但上鏡就俾人感覺好有氣質同靈氣。」

相關新聞:人物誌:周家怡被指暗交林國斌

冇錢結婚

小冰在無綫八年,曾在《清宮氣數錄》中飾演慈禧太后,又於陳小春版《鹿鼎記》分飾阿珂及陳圓圓,有「古典美人」美譽。不過,小冰在一九九八年事業高峯時,突然選擇離開無綫,並於二○○○年嫁給陳嘉輝,她直言也許當時年紀小,小冰笑說:「我喺無綫八年拍咗二十幾部劇,差唔多全部係古裝。對一個中五畢業嘅女仔嚟講,冇得玩、冇得瞓、冇得見朋友同屋企人,覺得自己冇正常人生活,身心都好疲累。」
之後小冰過檔亞視,又在中台兩地發展,收入卻勝從前,她說:「因為我要照顧屋企,所以八年收入全部畀晒媽咪,到我同嘉輝想結婚時就冇錢,天無絕人之路,畀我哋去過台灣拍咗部《少年梁祝》,一部戲已經有一百萬,直情係以前嘅三年人工。之後再去亞視一年都有一百萬,反而覺得𠵱家做藝人慘過我哋以前,仲有好多搵一萬幾千,人工分分鐘少過做保安。」

唔夠滿足

不過,每個演員都可能遇上「樽頸位」,在香港娛樂圈有十幾年真空期,小冰直言是希望尋回自己的定位,她解釋:「其實一直以嚟港台、有線,甚至電影都有搵過我拍,但覺得角色唔太吸引,我唔係話人哋啲劇小兒科,只不過多年嚟都係參與大製作劇集,真係覺得滿足感唔夠大。加上我呢個年紀,唔通再拍愛情劇咩?知道自己應該要轉型,生完仔之後有三年真空期冇做過嘢,感覺自己同香港脫咗節,我知唔可以再食老本,希望有突破,所以用咗差不多十年去演舞台劇,重新學過演戲。」
小冰自言做藝人好辛苦,所以不贊成兒子入行,她說:「我灌輸好多做藝人拍劇好辛苦、人工又奀,我哋拍《導》劇,十號風球都要開工,佢又見阿媽晚晚十二點都唔返屋企。所以阿仔對呢行都好抗拒,佢今年雖然得七歲,但已經叫我唔好將佢張相放上網俾人睇。」小冰嘆在香港做演員好悲哀,她說:「我最初以為家怡、王宗堯係新人,香港實得一間電視台拍劇,政府唔支持。令好多有資歷嘅演員苦冇機會。其實真係好慘㗎,其實一個演員經驗越多越有戲味,我呢啲絕種㗎喇,年過四十仲做到女主角,如果我到五十歲仲做女主角,咁大家就應該要繼續支持梁小冰喇。」
場地:The AIR(The ONE)
服飾:Club Monaco

相關新聞:特稿:破格演技 做足功課

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載