蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月20日
馬上成為壹會員

姣電謙謙 激嬲楊怡
蔡思貝:唔做第三者

了短髮後樣子激變女版木村拓哉的蔡思貝,出身自港姐的她緋聞一大籮,繼鄭俊弘、溫家偉及周志文後,昨有報道指她拍大台電視劇時姣電羅仲謙,主動出擊「抄牌」約謙謙撐枱腳,又要謙謙做柴可夫接送,甚至將合照貼微博向謙謙女友楊怡挑機,激到楊怡要親到片場監場,甚至一度怒趕謙謙返大埔屋企,暫停同居。

「有大家電話」

思貝和謙謙在劇中有激咀戲,有指去年尾劇組在台灣取景時,由於楊怡不在身邊,冇王管的謙謙與思貝咀出火花,難怪傳出緋聞,報道還謂曾有女助導提醒思貝,指謙謙已有親密女友楊怡,但思貝卻懶理對方名草有主,說:「一日未婚一日都係單身。」
本報致電思貝求證,她在電話呼冤:「其實我冇講過呢句說話,同埋我冇約謙謙食飯冇撐枱腳,冇坐過佢車,好多傳聞都係傳箒。」問是否主動向謙謙「抄牌」?她坦言:「我唔記得點嘅情況之下,我哋有大家電話,但都係《衝線》一班WhatsApp群組。」
有指楊怡被激到親自監場,問楊怡是否曾現身探班?思貝說:「咁耐唔記得咗,上個夏天嘅事。」怕唔怕被指第三者?她說:「其實唔希望同謙謙或其他人傳緋聞,始終唔係真,大家知謙謙同阿怡咁耐,我唔會無啦啦做第三者,寫嗰啲嘢全部都唔係,我哋只係朋友加同事。」思貝坦言對被封做「人肉發電機」很不開心,至於謙謙則回覆:「大家當古仔一則睇。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載