› 選擇地區
三藩市
紐約
洛杉磯
其他美國地區
香港 台灣 北美
 
2015年03月20日

馮仁昭四圍超:遭散佈撞車死訊
梁繼璋:大吉利是 - 馮仁昭

梁繼璋話啲消息傳到好似寫劇本咁,朋友都信以為真。資料圖片

五十八歲著名電台主持梁繼璋,前日突然被傳死訊,馮仁昭即刻打電話畀佢,梁繼璋親自否認:「好多朋友打畀我,連雷宇揚都搵我,佢話喺微博睇到篇文話我過咗身,佢打我嘅舊電話cut咗仲緊張,終於搵到我嘅新電話。」
原來有人喺微博散佈梁繼璋撞車死嘅謠言,佢好勞氣話:「醫護界朋友話噚日下晝,有護士喺微博睇到,話幾個鐘頭前我發生咗交通意外,架車撞埋電燈柱,條柱跌落嚟插中胰臟,送咗去QE(伊利沙伯醫院),失血過多不治,好似寫劇本咁,作埋時間同地點,朋友初時都信以為真,打畀我先發現係假。」

「耐唔耐又傳」

其實梁繼璋唔係第一次傳死訊,幾年前佢寫過一封「給兒子的信」,有人加咗句已故香港主持人梁繼璋嘅遺書後,就不停傳佢死咗,梁繼璋話:「第一次睇到感覺好差,中國人覺得大吉利是,耐唔耐又傳一次,慢慢感覺麻木。」問有冇得罪人?佢話:「刻意得罪人好少,但冇意講咗啲嘢令人唔開心,呢樣我真係唔知,好難討好全世界,好在阿媽唔係好聽呢啲消息,唔係就嚇死佢。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載