蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月22日

無綫7記者辭職表不滿
談美琪BB last day

又有主播要say goodbye了,今次輪到tiger仔談美琪——佢昨日last day了。

上月無綫電視新聞部多人辭職,包括首席記者林子豪,喺舊年佔領運動時處理7警涉毆打示威者新聞嘅編輯主任周潔儀、前助理採訪主任何永康,均已請辭。另多名記者主播包括談美琪、劉芷欣、林昭儀、趙珮瑜亦已請辭。港聞採訪組約30人中已有五分之一人辭職。

轉眼就剛好一個月,何永康、林子豪同談美琪等已經搵到新工,何永康做番電子傳媒,林子豪則另有新發展。談美琪下個月去聯合醫院擔任傳訊經理,接替曾任亞視記者嘅姚健文之職,姚就升任新界西聯網經理(公共事務)。

昨日係談美琪喺無綫新聞部last day,戰友彭國柱就幫佢farewell,仲po埋合照上ig,「tiger仔」當然有份,仲有咪牌cupcake,彭國柱並寫道︰「散水,thank you and goodbye!」十分鐘前,談美琪up咗張好多好多好多個咪牌cupcake嘅相,寫道:「十年記者生涯暫時劃上句號。在無綫新聞部工作,是我過去十年最開心的日子,有幸和各位共事是我的福氣,特別要感謝上司的信任、一班記者同事互相支持鼓勵,還有一班幕後英雄,攝影、工程、車長、剪片和導演等。曾說過若體力許可,很想可以『跑到老』,但人生去到不同階段,必然要作出取捨。」

忍著淚說goodbye了…

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載