› 選擇地區
三藩市
紐約
洛杉磯
其他美國地區
香港 台灣 北美
 
2015年03月25日

邀拍戲唔怕失場鬧情緒
諸葛打救栢芝向太祝福佢

蕭芳芳、鍾楚紅、鄭裕玲、諸葛紫岐及黎諾懿前晚在中環四季酒店,出席為護苗基金慈善義賣籌款活動。諸葛紫岐早前成立娛樂公司,她表示新公司準備五月開戲,女主角之一是最近被向華強夫婦指態度有問題的張栢芝。諸葛大讚栢芝人品好,又專業,對於向太跟栢芝合作多年仍然出現問題,諸葛說:「但係我同佢相處過,覺得佢OK。」諸葛紫岐今次擺明人棄我取,她說:「係呀,我一向都覺得佢個人OK,都幾nice,第一次識佢嘅時候,大家都有打招呼,仲有打機。」

黎諾懿同外父關係好

問到諸葛怕不怕栢芝到時失場,她說:「唔擔心,希望成件事會順利。」諸葛表示未跟栢芝傾條件,不過之後會在合約列明,更透露栢芝很喜歡新戲角色。記者再問她怕不怕栢芝要搶戲份或鬧情緒,她說:「咁佢一定係主角,戲又好,我對佢有信心。情緒人人都有,相信佢會好專業。」記者就諸葛大膽起用栢芝開戲問向太回應,她表示:「很好啊!祝福他們!一切順利!」
此外,黎諾懿澄清與外父不和之說,他表示:「飲茶睇到報道大家都有笑,總之我哋關係非常之好啦,佢哋仲講到外父收我層樓同架車,其實咁多年嚟,我都係住自己層樓,揸自己架車,結咗婚唔等於攞人哋嘅嘢,我靠自己都OK。」提到元朗村屋,黎諾懿說:「當時買咗地,起起吓屋,有個外國人好鍾意,咁就賣咗,有少少投資成份、冇必要買賣都同人講。」
採訪:黃曉妍
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載