› 選擇地區
三藩市
紐約
洛杉磯
其他美國地區
香港 台灣 北美
 
2015年03月25日

呂良偉攬海味
追睇谷胸《武媚娘》

呂良偉(阿呂)和周海媚(海味)這對過氣情人分手超過二十五年,昨日在會展舉行的「電視世界TV World2015開幕典禮暨國際論壇」碰頭,兩人同時獲頒「英藝獎」,表揚在內地的好成績,鄭佩佩亦是得獎者,她兩個女兒原子鏸及原麗淇都有到場吻賀媽咪。

有機會再合作

阿呂與海味再見亦是朋友,見面不但沒有尷尬,合照時阿呂更輕攬海味纖腰,又一起接受媒體訪問。阿呂說:「好耐冇見佢(海味),都有兩年冇見,佢嘅《武媚娘》喺內地好收得。(有冇睇過?)我有睇,不過唔係由頭睇。」問海味寧願騷身材,還是喜歡播大頭?海味則認為唐朝的衫其實好靚:「都係忠於歷史,成個製作好有誠意,包括衫及造型、啲景都好靚。」阿呂則說:「作為觀眾,梗希望有視覺效果,人又靚、身材又靚,衫又靚,係觀眾福氣,不過電視觀眾尺度嚴少少,同電影唔同,電視入屋驚有影響,所以會小心啲。」
問兩人可有合作機會?阿呂即表示:「梗係有機會,我又未退出,佢又唔退出。」阿呂又笑對海味說:「你製作電視,我製作電影。」海味則透露有一部作品籌備中,但詳情不便透露。
海味獲獎時表現有點激動,哽咽表示:「入行已經三十年,用『起承轉合』四個階段形容,『起』就係一開始演鄰家妹妹,『承』呢就係之後長大,演女人味同埋少少性感角色,『轉』就係2003年決定去內地發展,啲人好詫異點解周海媚消失咗,係咪退出呀,點解唔喺個圈度,嗰時我一個人喺內地搵方向,結果搵到。而『合』就係融合,香港及內地文化融合。」
採訪:珉敏芝
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載