蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月26日

揭林欣彤劈腿
天堂鳥Gordon嗌分手

林欣彤(Mag)日前驚爆曾遭初戀男友Ben暴打,Ben則連月在社交網站狂數她出軌兼怒吼「見到佢瞓埋我張床」。雖然Mag委屈回應:「很可怕,愛的反面可以恨成這樣」;但本報收到消息,指Mag去年8月開始一直腳踏兩船,新歡是二十五歲、去年以唱MK-Pop出道的男子組合天堂鳥隊長葉灝基(Gordon)。而Gordon無辜成為第三者,已速撇劈腿女友,昨日他接受本報訪問時更斷言:「我同佢已經冇關係喇!」

現年二十四歲的林欣彤出道至今,一向低調處理感情事,與羅孝勇拍拖三年,分手超過一年後,去年才肯承認拍過拖。去年Mag被爆與初戀男友Ben三度復合,日前卻驚爆Mag去年10月遭Ben暴打,旋即令Mag的感情生活再受關注。
知情者透露,Mag去年初跟Ben復合半年已四度分手,除了因為Mag發覺Ben性情大變,主要是她與相識多年的天堂鳥隊長Gordon突然撻着。知情者說:「Mag同Gordon未入行已經識,之前做嘢多咗見面,兩個人都住沙田又有養狗,有共同話題就好快喺埋一齊。」

驚悉做第三者

據知,Mag與Gordon拍拖半年,感情發展一日千里,甚至已互見家長肯定對方地位,未料Mag與Ben原來一直掟煲唔掟蓋。知情者說:「上年10月發生暴打事件,就係Mag同Ben嘅關係未搞清楚,Ben知道佢同咗Gordon一齊就嬲到爆,衝上Mag屋企,又話有人瞓咗佢張床。」
昨日本報獨家刊登讀者提供爆相及報料,揭Mag原來今年1月26日與Ben坐同一航班由大阪返港,讀者葉小姐更指二人最遲上機且分開坐,表現避忌,而一直不知女友劈腿的Gordon,覺得自己無辜變小三,昨日已決定同Mag斬纜。知情者爆料指:「講你都唔信,Gordon今朝早(昨日)睇到你哋報紙先知,決定唔再見Mag,佢真係好唔開心。」
本報得悉Gordon昨日到九龍灣工作,見他獨自到茶餐廳食飯,神情落寞,其後追問他與Mag是否正拍拖?Gordon隨即口窒窒說:「……識咗佢一段時間啦!但係,𠵱家冇任何關係㗎喇!(知唔知佢同Ben同遊日本?)Ben係佢……未,未,淨係睇咗家暴嗰單。(𠵱家你同Mag乜嘢關係?)冇關係喇𠵱家!(即係以前有?)冇冇冇……朋友啫!一齊出嚟玩!(咁你係咪第三者?)吓?呢啲唔講喇!唔好意思!唔該晒!」
另外,Mag好友何雁詩昨日到新城接受訪問,她說:「唔會問太多,佢知道我關心佢,在意佢就足夠。」問Mag可有提過跟前男友的事?何雁詩表示沒有,亦指沒有見過Mag眼腫或瘀傷。
採訪:小米、黃曉程
攝影:梁繼光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載