› 選擇地區
三藩市
紐約
洛杉磯
其他美國地區
香港 台灣 北美
 
2015年03月31日

「陳韓」合唱《十年》狂改圖
韓紅變震撼叔

內地節目《我是歌手》創造唱功嘅「潮流」,以後講唱功,就肯肯定係飆高音,自從唱得之人鄧紫棋(G.E.M.)上咗去紅爆之後,呢個節目嘅收視公式亦都係一直複製落去,就係「飆高音+最後一定係內地歌手拎冠軍+超唔自然觀眾」嚟炒熱話題,有得鬧,都叫做人氣。

之前《我是歌手》去到第3季,就播出咗最後一集,最後由韓紅奪得冠軍,其間韓紅仲同陳奕迅合作唱出《十年》,即係國語版嘅《明年今日》,而呢一個合唱一出街,就引嚟一場網民嘅罵戰,大部份就話韓紅搞到首歌唔好聽、亦有部份話Eason hea唱、又有部份話韓紅又「X嗌」飆高音,網民就慨嘆《十年》呢首講淡然愛情故事嘅歌,俾韓紅以「包租婆腔」唱出而糟蹋咗。

呢場熱烈嘅討論講足幾日都未講完,仲引申唔少搞笑事,就係網民最拿手嘅改圖喇,因為網民喺討論期間,整咗唔少好笑嘅改圖,好似有張就係用咗《人來人往》嘅歌詞:「閉起雙眼我最掛念誰,眼睛張開身邊竟是誰。」就用咗Eason同韓紅合唱嘅相,咁啱Eason又合眼又開眼,一開眼就係韓紅,真係似足歌詞.....仲有張就係韓紅「X嗌」嘅時候,Eason就嚇親咁,仲加咗震撼叔個嘅對白「睇住呀!」落去,認真搞笑,啲人仲話韓紅就係Eason嘅「C餐」,不過其實呢張圖就唔係當日《我是歌手3》嘅圖嚟嘅。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載