› 選擇地區
三藩市
紐約
洛杉磯
其他美國地區
香港 台灣 北美
 
2015年04月03日

周汶錡宣佈陀仔會追女
湯盈盈懷第二胎照跳舞

錢嘉樂與太太湯盈盈已育有兩歲囡囡凱晴,日前再傳有喜,不過二人三緘其口。二人前晚與洪天明到九展,捧鄭敬基與李逸朗向張國榮致敬的音樂會,鄭敬基在台上玩踢爆,呼籲台下觀眾起身跳舞懷念哥哥時,望住盈盈笑言:「如果懷孕就唔好跳,或者有咗兩個月都唔好跳。」盈盈在台下笑笑口照跳。

相關新聞:李逸朗安排鄭敬基團聚

天明加把口

到散場時盈盈慢行護肚,與嘉樂企定定給記者影相,在旁的天明又笑住大叫記者:「小心啲,你哋。」記者上前恭喜嘉樂再做老竇,他全程笑晒:「遲啲先講,係開心事。」
另外兩位準媽媽周汶錡(Kathy)與Cara G.,前晚在銅鑼灣利園出席時尚活動,同場還有徐濠縈和樂基兒。已有六個多月身孕的Kathy腹部未算好大,她透露腹中BB性別:「噚日check咗,係仔。」有否失望?她說:「女可以扮靚,我有好多手袋物件留畀女,會追多個,下一步啦,搞掂呢個先。」記者讚她會生混血靚B仔,她笑言:「係咩,追吓女仔都好,健康就OK。」

阿徐讚韓紅

阿徐老公陳奕迅(Eason)早前與韓紅上《我是歌手3》,韓紅以「包租婆腔」飆高音唱陳奕迅飲歌《十年》,遭網民指糟蹋,阿徐說:「大家風格唔同,韓紅風格響亮,佢喺內地好紅要騷quali,Eason唔想搶佢把聲,佢哋感情唔錯,係為佢打氣。」
採訪:溫敏芝、卓寶花
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載