謝霆鋒和劉青雲昨日在上海為電影《驚天破》開工，飾演警察的霆鋒與做犯罪心理專家教授青雲在酒店的宴會廳內調查一宗兇殺案，霆鋒從屍體內拿出心臟，事後他說：「本來話係假心，但係拎上手好淋同有啲腥，所以咪好奇去聞吓，原來係豬心！」
自霆鋒與王菲復合後，經常有傳王菲懷孕，心情勁靚的霆鋒笑說：「我唔睇報道，唔答！」再問前妻張栢芝被指因工作態度欠佳而被飛出劇組，不過霆鋒未聽完已經笑說：「你係咪想死呀？咁遠水路嚟，想俾人鬧呀？你問幾多句我都唔會答！」
另外，有份參與拍攝的譚俊彥透露將於6月榮升做爸爸，他笑說：「第一胎係女，今次都係意外，呢兩、三年都忙住拍戲，冇乜時間陪老婆，到佢生嘅時候會陪佢入產房，停工一個月。」
採訪、攝影：曾小嘉
› 選擇地區
三藩市
紐約
洛杉磯
其他美國地區
