› 選擇地區
三藩市
紐約
洛杉磯
其他美國地區
香港 台灣 北美
 
2015年04月10日

拋良心金句醒衞蘭
黎明:我唔係榨汁機

黎明(Leon)、蔡加讚及梁芷珊昨日現身中環,出席愛彼女皇盃記者招待會,久未在香港露面的Leon更是此賽事的大使,他心情甚好,在台上及傳媒訪問時都滔滔不絕,在台上大講不怕失敗精神的金句:「命運叫你不敗,就永遠不敗;命運叫你敗,你就冇得避。」Leon清減了不少,在訪問時透露因要接拍黃真真新戲,於7日內早午晚三餐計卡路里,將體重控制回156磅,減肥成功。

感情諗得多唔會嚟

Leon提到掌舵的A Music旗下歌手幾乎所有都約滿離去,他表示:「唱歌要迎合齒輪,新人要講運數,向新方向進發,唔可以靠舊一班資源支撐。」他更以衞蘭為例:「時間長咗,都10年,係時候轉換自己環境,冇guarantee喺公司永遠永久,時間到就要走,每個人離開有佢價值,對人又好,對自己又好,人必須要長大,對得住人,對得住自己,唔係榨乾佢嘅橙汁機,我哋團隊幫到佢,做有良心、有道德、心安理得,冇乜唔開心感覺。」問到他感情生活,他亦有金句:「一樣,唔好諗咁多,唔諗有機會就嚟,諗得多唔會嚟,每個人時間同際遇唔同,好似華仔可以結婚生BB,啱到就OK,每個命唔同,世界上有開心,亦有唔開心嘅嘢,進修自己多啲,呢個世界冇人蠢,個個都聰明。」
採訪、攝影:溫敏芝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載