蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月12日
馬上成為壹會員

維基解密:港視破格論性
《大眾情性》房事揭秘

(左起)鮑康兒、陳柏宇和蔣祖曼日前為宣傳新劇齊齊談性。攝影:周樂恒

【維基解密之引人入性】近日有內地學生在街頭打野戰,又揭露五星酒店房租原來平過時鐘酒店,掀起全城「性」話題。港視劇一向追貼時事,明天首播的《大眾情性》便以探討港人暗藏的性問題為題材,在劇中陳柏宇(Jason)和蔣祖曼(Joman)都因過去經歷,導致不能與愛侶正常性交,題材引人入「性」!當中難免有大膽鏡頭,Jason笑言對手是人妻Joman,令事情變得「一啲都唔鹹濕」。
撰文:嵐山

相關新聞:性,你識幾多?

香港人對性觀念多持保守態度,少談避講,以性做題材的劇集更是少之又少,港視即將播出的新劇《大眾情性》則以輕鬆手法帶出不同人遇上的性問題。

被問性事嚇窒

主演的Jason曾於多倫多讀中學,小時候已從各種途徑學習性知識,他說:「細個好奇嘛,除咗上性教育堂,仲會上網或從舅父、人哋阿爸等途徑偷偷睇過(AV片)。大個反而淡咗,唔會刻意追求刺激,用到咪得囉,哈哈。」
Joman和康兒自覺性知識貧乏,其中Joman自爆:「我讀中三、四仲以為肛交係喺浴缸度做。」身懷六甲的她還遇上兒子問有關性的問題,她尷尬說:「我老公個仔(與前妻所生)五、六歲時,有晚突然問我『媽咪結咗婚咪好快大肚?』我答未結婚都可以大肚,佢即時靜咗,誤以為單性都可以繁殖。我解釋係男仔同女仔交配,點知又出事,佢反問『係咪老豆咬住你?』,真係俾佢嚇親。」
Jason和Joman越講越興奮,還互爆十七、八歲時已經失身,Jason謂﹕「唔介意講,其實都係一件好natural嘅事,因為係第一次所以特別啲。」一直默不作聲的康兒一臉尷尬:「我選擇唔講呀,劇入面我係Jason心中女神,我要keep住形象。」

慶幸Jason撻Q

」,康兒直認鬆一口氣﹕「好彩只係蜻蜓點水式kiss。」另一場Joman在泳池邊主動捉住Jason隻手摸自己個胸,Jason笑言小兒科:「我有經驗嘛,之前拍《喜愛夜蒲》對手係Jeana(何佩瑜)同許亦妮,今次變Joman……就一啲都唔鹹濕啦。」Joman笑說:「梗係,嗰啲唔同cup數嚟嘅。」他們不擔心被指色情,認為電視台應開拓更多題材劇集,Joman說:「我覺得可以再拍得大膽啲,吸納唔同類型觀眾。」Jason則說:「唔好成日話電視教壞人,其實睇電視係有PG家長指引,唔通睇完殺人戲就去殺人咩?大家可以當一種娛樂,唔好怕投訴就乜都唔做,唔抱住開放態度,劇集質素亦好難有進步。」
場地:海景嘉福洲際酒店
髮型:Alex So(陳柏宇)、Haffman Cheng(蔣祖曼)
化妝:Frances Ho(陳柏宇)、Moon Wong(蔣祖曼)
服裝:Ted Baker(陳柏宇)、Wasabi Dog Come(蔣祖曼)、
DaDaing.hk(鮑康兒)
Styling:Queenieyu(陳柏宇)

【故事大綱】性疑難擺上枱

《大眾情性》是以真實個案為藍本,故事中有3個主線角色:一個從小受壓抑而深信一生只得一次做愛機會的處男Dicky(陳柏宇飾);一個以為有性障礙就不值得被愛的女仔谷采怡(蔣祖曼飾);自恃身經百戰卻不懂取悅女性的失婚男Moses(陸駿光飾)。他們各自面對不同的性問題,最後要由性治療師Dr. Mok(謝芷倫飾)幫手解決,當中亦涉足好多性疑難個案,包括男人早洩、不舉、女性更年期、夫妻性生活不調等。
播映日期:4月13日

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載