› 選擇地區
三藩市
紐約
洛杉磯
其他美國地區
香港 台灣 北美
 
2015年04月22日

官恩娜陀B肥7磅
捉老公狂鬧

現年35歲的官恩娜(Ella)跟33歲中法混血牙醫Juan-Domingo Maurellet今年2月低調成婚,隨即飛往外地度蜜月,在甜蜜浪漫氛圍下,Ella和老公一擊即中,上星期四公告懷胎3個月。宣佈陀B的官恩娜昨日出席灣仔一個投資活動,穿上火紅色連身裙,腳踏4吋高踭鞋的Ella,心情興奮,拍照時左扭右扭又金雞獨立,旁邊的工作人員則緊張地隨時候命。
懷孕3個月的Ella已經肥了7磅,她在懷孕初期身體不適,經常捉住老公來鬧,她說:「呢個禮拜好好,變番自己咁,之前反胃得好厲害,我坐咗三個月過山車,好似冇落過車咁,周身唔舒服,要捉住我老公嚟鬧,救命呀!好辛苦,我係突然有一日瞓醒好番,我都有睇醫生,同醫生講頂唔順,醫生話12個禮拜好番,又係真!」

高踭鞋任着

Ella陀B變女王,老公和家人對她百般遷就,所以4吋高踭鞋任穿,她笑說:「平時7、8吋,冇乜嘢做活動,好快出一出嚟,老公冇所謂,佢畀我自由度好大,好似媽咪同奶奶都畀我自由度好大,我鍾意做乜就做乜,不過要小心食嘢。」Ella被問到老公是不是任勞任怨?她說:「佢又冇乜特別喎!外國人冇咁緊張,佢哋好天然好自然,最緊要飲食健康,又唔會落雨唔好出街,唔好着高踭鞋,不過佢都係好錫我,𠵱家計劃香港生,因為自己鍾意香港,想小朋友喺香港長大。」
問她想生仔定生女,Ella說:「想生女,想生個best friend出來,我同媽咪好好感情,不過仔女都咁開心,最緊要佢健康,同埋我唔好咁唔舒服。」Ella坦言好感恩,因為是人生第一次順其自然即刻成功造人,她說:「好多謝同好感謝個天。結婚度蜜月嘅時候有咗,當時仲去騎馬,可能近大自然,接觸到新鮮空氣,好幸運。」
採訪:溫敏芝
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載