› 選擇地區
三藩市
紐約
洛杉磯
其他美國地區
香港 台灣 北美
 
2015年04月28日

產前獲邀為廣告操刀
周汶錡:唔畀老公剪臍帶

現年40歲的名模周汶錡(Kathy),大前年嫁給比她年輕3歲的法籍男友Julien Lepeu成為人妻。去年宣佈有喜的她,轉眼已懷胎7個月,昨日Kathy應一間美容公司邀請擔任形象指導,簡單穿藍色連身裙現身的她,肚皮看來只稍為隆起了一點,很難想像她是兩個月後便要入產房的孕婦。

師姐身份指導模特兒

粗身大細的Kathy昨日只需擔任顧問角色,以師姐身份向現場拍照的四男四女模特兒給予意見,她透露:「預產期喺6月底至7月頭,𠵱家重咗13、14磅,胃口冇乜變,但已經開始驚,因為好怕入醫院。」
有指Kathy完全不似已有7個月身孕,她說:「醫生話𠵱家體重正常,臨生嗰個月會肥啲同埋會腫,BB𠵱家喺肚入面有2磅,生嘅時候係6磅左右,所以仲會長肉。」問Kathy產後會否停工至少一年?她笑說:「一定唔會休息一年,但𠵱家冇諗。」

「好想係第一個錫BB」

Kathy老公是法國人,她說BB英文名會留給老公改,而中文名就會找相士改:「乳名未諗呀!等BB出世睇吓佢似乜先諗。」Kathy又透露會剖腹生產,老公會陪她入產房,但不會拍片,也不會替她剪臍帶。Kathy笑謂:「唔會畀老公剪臍帶,我個肚臍好靚,驚佢剪得唔好。拍片都唔會喇!因為我同老公都驚,拍咗都唔會睇番,但會喺產房影第一張相,我好想係第一個錫BB,覺得會好感動。」
採訪:黃曉研
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載