› 選擇地區
三藩市
紐約
洛杉磯
其他美國地區
香港 台灣 北美
 
2015年04月28日

馮仁昭四圍超:
下年開騷悼戴思聰 東東帶女探師母 - 馮仁昭

陳曉東同老婆王妤嫻,帶囡囡芷霖探亡師戴思聰的家人。互聯網圖片

陳曉東去年7月首次做爸爸,老婆王妤嫻生咗囡囡芷霖冇耐,已經閃電懷第二胎,BB將於8月出世,大前晚東東帶埋懷胎5個月嘅老婆、芷霖、媽咪探師母戴思聰太太,兩家人溫馨合照,戴蘊慧(真真)將相片放上社交網,仲見到9個月大嘅芷霖食住手指影相,精靈可愛。

申請紅館檔期

噚日馮仁昭打電話畀真真,佢話東東帶芷霖返港搞證件,因為東媽睇過佢嘅飲食節目覺得好吸引,所以東東一家人就去咗佢屋企食住家飯。下年就係戴思聰逝世5周年,真真希望明年7月前幫亡父搞5周年慈善悼念音樂會,𠵱家向紅館申請檔期,佢仲話會聯絡戴思聰生前徒弟演出。

真真話:「東東好支持呢個騷,𠵱家啱啱開始籌備,真係要詳細計劃。前晚見到東東嘅囡囡,佢越大越靚好可愛,已經識叫爸爸,東嫂𠵱家懷孕5個月,我鼓勵佢哋生夠4個,仲希望佢快啲回流香港開騷,實力偶像歌手𠵱家唔多,好多觀眾渴望佢復出舞台,畢竟呢個係佢嘅願望,亦係我爸爸嘅遺願。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載