› 選擇地區
三藩市
紐約
洛杉磯
其他美國地區
香港 台灣 北美
 
2015年05月07日

大肚婆齊踩高踭鞋𢱑銀
Ella宣佈陀仔 周汶錡等開刀

娛樂圈今年不但旺嫁娶,更加旺生育;多位女藝人排隊做媽咪,當中包括名模周汶錡(Kathy),以及今年2月才嫁醫生男友的官恩娜(Ella),兩位大肚婆昨日更同場於圓方商場出席意大利鞋履品牌Sergio Rossi活動,同場還有馬詩慧、陳嘉容及黃婉君等人。

Ella已重咗10磅

Ella昨日穿上兩吋半高踭鞋現身,她開心自爆肚內陀的是囝囝:「照咗係囝囝,本來想生女,但知道係仔都好開心、好感動,同老公講時都眼濕濕。」Ella透露已經幫囝囝改了名,但暫時不公開。她說:「𠵱家重咗10磅,每個星期做3日運動,會做瑜伽同游水,希望keep住健康身體,覺得大家𠵱家好留意我每日做乜嘢,喺網post乜嘢,但老公、奶奶同媽咪都冇畀壓力我。」
快將36歲的Ella屬高齡產婦,問她有沒有計劃再追?她說:「呢啲係講緣份,我都鍾意大family,會開心啲,但我呢個歲數最多生三個。」她又表示:「好多朋友都話我個樣變咗,我都覺得自己變醜咗,但醜樣十個月都冇所謂啦!」
周汶錡昨日腳踏四吋高踭鞋現身,她笑說:「我落咗車先換鞋嘅!不過今個星期覺得個肚嘭嘭聲變大,可能空間少咗,好明顯感覺到BB郁,好似想爬出嚟咁,好緊張。」Kathy又透露已經擇日開刀,但正確日期仍要待醫生確定。Kathy笑說:「我已經叫咗老公要全程陪我,因為好驚,一個人好寂寞,生仔已好偉大。」
採訪:羅慧敏
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載