蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月07日
馬上成為壹會員

《大時代》煲起方家三姊妹
吳詠紅對前夫無怨獨力養女

【狂煲大時代】《大時代》掀起深宵煲劇熱,令劇中演員翻hit受注視,好似飾演劉青雲大妹方芳的吳詠紅,個性潑辣但顧家,原來現實中的她也是非一般女強人!現年48歲的吳詠紅十年前跟無綫前藝人何英偉離婚後,母兼父職打工養大15歲女兒,她日前受訪透露前夫已另組家庭,但對他沒半點怨恨。如今吳詠紅與囡囡相依為命,連周日假期都像孖公仔般相伴一齊食大餐。

相關新聞:方婷珍妹三戀潘源良

吳詠紅是87年無綫藝員訓練班畢業生,與郭富城、邱淑貞、邵仲衡等是被力捧的「銀河十星」。當年吳詠紅在《大時代》中飾演劉松仁大女、劉青雲妹妹方芳,由於角色潑辣不討好,發揮機會明顯不及演妹妹的李麗珍和楊羚,吳詠紅日前在尖沙嘴受訪時大方表示不介意:「角色係幾乞人憎,一個有怨氣嘅女人的確唔討好。但每套戲有比重,我覺得正常,我又唔係主角出身,所以唔介意。」

前夫已再婚

在90年代吳詠紅拍過多部劇集,但星途一般,之後跟無綫前藝人、亞洲電視先生出身的何英偉結婚,之後淡出幕前轉行做化妝師,近年更成為Fancl高級培訓主任,總算捱出一番事業。但據知其愛情路並非一帆風順,有傳何英偉疑偷食致二人離婚,吳詠紅曾在fb抒發傷痛,只是近年信主後才釋懷。
吳詠紅替前夫講好說話:「我𠵱家單身,但分開唔係因為第三者,大家性格、睇嘢方式好唔同,婚姻係要一對好成熟嘅人維繫,好難完全係夾。」她大讚前夫對工作、朋友都好認真,可惜外形給人花弗感覺。兩人育有一女,所以二人仍有聯繫,再見亦是朋友。她指前夫現時已有另一個家庭:「我都識佢太太,係一個好純樸、好乖嘅女仔,同我個女關係亦好好,我都擔心《大時代》一出,又牽連到佢身上。」

相關新聞:方敏楊羚組四人家庭

嫌女兒粗魯

現在有女萬事足的吳詠紅,提起15歲女兒便甜笑不停口說:「佢有啲粗魯,我叫佢要檢點啲,如果被人影到粗魯嘅相就唔好啦。」問到女兒對娛樂圈有否好奇?她說:「呢行嘅下一代唔多唔少都有,佢喺呢方面都有啲天份,冇咁怕醜,佢會參加歌唱、話劇比賽,每次都會問我意見。作為現代父母,冇得話畀唔畀佢入行,只能夠畀意見,不過𠵱家我覺得讀書好重要。」
剛過去的周日下午2時許,兩母女還是形影不離,被發現在天后電氣道泰出色餐廳午膳,同行還有兩男一女友人,估計是參加完基督徒團拜活動後聚餐。見他們相當好胃口,叫了咖喱大蟹、菠蘿炒飯等滿桌食物,吳詠紅特別健談,經常講笑話,𠱁得同行友人大笑;反而囡囡只不停食。其實兩母女感情真的很好,在吳詠紅的fb內不難發現母女四圍去旅行的開心自拍照,難怪詠紅會在fb留言謂:「就算沒情人都可以好快樂!」
採訪:黃曉妍、趙永傑
攝影:陳志嵐
場地:Dalloyau Paris

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載