蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月07日
馬上成為壹會員

【add】
紅人主場:樂基兒性感回歸

34歲的樂基兒(Gaile),十幾歲在香港出道,做過名模、天王嫂,2013年搬去峇里過半退隱生活,買地起屋,似乎想落地生根。意想不到,早前又突然宣佈返港發展,更簽Angelababy經理人強攻大陸,樂基兒激瘦變索,金像獎一襲低胸裙先show quali,今次事隔八年,破例性感泳裝上陣,索爆回歸!

撰文及造型:林妙萍
攝影:郭賢興
髮型:Hin Wan of II Colpo
化妝:Shuen Kong

樂基兒早前決定搬返香港定居,搬回來一個月,最不習慣香港忽冷忽熱天氣。「走咗幾年,返嚟係有少少擔心,驚好多嘢唔適應,好彩一返嚟,好朋友嘅都係好朋友,冇乜點變。」
她和黎明2012年離婚後,新西蘭籍男友Denim去年也分手,回流即爆新戀情,被發現和40多歲、金融才俊劉愉樺(Brian)到大潭滑水,她強調只是滑水朋友,「暫時冇拍拖,我啱啱搬返嚟香港,仲未遇到呀。」

與黎明鬥消脂

前夫黎明上月爆出「黎明減肥法」:「坐喺度半個鐘唔好郁,但着番件衫」,七日內將體重控制回156磅,繼續其金句王的玄妙天機。樂基兒火辣身形又是怎樣練成的?無高深玄機,簡單大道理:食少多做!
「我啱啱開始玩單車,又做瑜伽、跳舞,加埋我自己嘅water sport,其實都幾busy。」至於磅數,就從來不追求,「自從做運動後,從來冇磅過,當你越做越多運動,你就會食得越嚟越少,唔係好大壓力去減肥。」不過拍攝前,樂基兒竟然吃茶餐廳午餐肉、火腿,「我唔係特別戒口,我覺得控制份量同食嘅時間緊要啲,不過,我基本上夜晚食好少,都係魚、菜為主。」

住峇里起大屋

有傳聞她和朋友在峇里花十萬買地,樂基兒透露將起度假屋,自住或放租。「因為我真係好鍾意峇里,建築師同我一齊去研究起樓,好多3D圖,都係一個好大嘅side project。」親自設計?「總之,我只起三間房,因為我覺得去一個trip,永遠唔好超過一架車嘅人。如果唔係,你就要去manage兩件事,煮嘢又要煮多啲,坐的士又要坐兩架,有少少難搞。」

學國語攻大陸

樂基兒簽約Angelabay經理人公司,發展大陸市場,「我未試過去大陸做嘢,新嘗試,冇乜壓力,好open去試拍劇、拍電影、綜藝節目,乜都可以傾吓。」更開始上國語課,「𠵱家學咗兩堂,日本發展時都有學日文,想做到基本禮貌溝通,因為靠繙譯係會無咗自己嘅表情、語氣囉。」

【我愛泳裝】

「我諗應該有十年,或者八年,總之好多年無咁樣影喇,都好想挑戰自己做呢個shooting。」入行早期,樂基兒曾為Dior、HKTDC等行泳衣騷,近年收起性感,水着look早已絕響,難得今期破例,影泳裝無遮遮掩掩,連極少布的比堅尼都全線大方OK,「我對swimwear着得好舒服,因為我自己擺好多時間喺沙灘,要着得舒服,先擺到fashion pose。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載