› 選擇地區
三藩市
紐約
洛杉磯
其他美國地區
香港 台灣 北美
 
2015年05月12日

馬詩慧愛屋及烏錫出面
王曼喜拖女約母嘆啡

名模馬詩慧(Janet)與王敏德(Michael)育有三子女,22歲的大女王曼喜(Kayla)在美國修讀設計,現時回港主力網上時裝生意,閒時也會踏上天橋行騷;20歲細女麗嘉(Irisa)正於美國讀書;而15歲細仔躍穎(Kadin)則在港讀中學。Janet向來管教子女勞心勞力,三子女非常孝順乖巧,前日趁着母親節,他們便陪媽咪逛街兼吃飯慶祝,Janet甜在心頭。

王敏德包場慶祝

大女Kayla自去年坦誠與同性外籍女友Lia的情侶關係,父母一直表示支持,前日下午2時許,Janet與三子女現身銅鑼灣利園,Kayla亦帶同女友出現,其間二人十指緊扣,表現恩愛,一行五人午飯後又轉戰咖啡店。
Janet昨日接受電話訪問時說:「因為8號(上周五)係我同Michael結婚23周年紀念,嗰日Michael畀咗個驚喜我,佢包咗朋友間餐廳慶祝,Lia因為有朋友喺第二度嚟咗香港,佢嚟唔到,我同佢講我好失望,我開到口,所以佢就出嚟陪我,呢個係大家嘅尊重。」

三姊弟整心意卡

除了結婚周年紀念與母親節,上星期也是Irisa的生日,Janet說:「所以我哋就將結婚周年、母親節同生日會3 in one,Irisa已經有三年冇返嚟慶祝母親節,今年咁齊人特別開心。」 Janet又透露仔女給她的驚喜:「大女搵人整咗條頸鏈畀我,鏈上面仲親筆寫咗啲字,佢哋知我鍾意手寫嘅嘢,三人都夾埋寫咗張卡畀我哋結婚周年,已經幾年冇收過卡,都好感動,總之大家一齊開心、健康係最緊要。」
採訪、攝影:潘冠恩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載