› 選擇地區
三藩市
紐約
洛杉磯
其他美國地區
香港 台灣 北美
 
2015年05月14日

被指WhatsApp騷擾許方輝夫婦
周嘉儀:冇許太電話

有宅男女神之稱的前新聞之花周嘉儀近日多桃色新聞,繼被本報直擊搭上開餐廳的有米新歡Edward後,但昨日有報道指周嘉儀好勝,仍然對無綫新聞部已婚舊愛的許方輝未肯放手,狂以WhatsApp及電話纏擾不果,更升級滋擾許太陳佩琳,以WhatsApp「問候」對方,嚇到許方輝火速搵屋搬。

「應尋求警察協助」

周嘉儀昨日在中環ifc出席地產活動時,透露分手後已有一段時間沒有與許方輝聯絡,並強烈否認指控:「其他人嘅嘢唔去評論,因為指控幾嚴重,對個人聲譽同操守有影響,話我滋擾,用電話同短訊,我完全冇做過,所以要鄭重澄清,一次都冇,任何接觸都冇,連佢(許太)電話都冇。」
周嘉儀自言離開無綫僅一個多月,對不斷傳出負面新聞感到奇怪,問到會否覺得有人放料?她表示:「我唔想去評論,如果被人滋擾,我覺得好慘,如果真係有咁嘅事,應尋求警察協助。我淨係想專注自己嘅工作,我一定唔會,過往亦都冇做過咁無聊嘅事。」
有指當日許方輝有欠交代,故令她耿耿於懷,周嘉儀表示:「總之我做好自己,唔想評論其他人,怕影響到人哋。」她認為清者自清,亦不會因此事搵對方解釋。記者笑言今次新聞會否嚇怕新歡Edward,她表示:「唔知呀,做好自己,唔想有啲冇意義同負面嘅嘢發生。」對於真命天子的要求,周嘉儀笑言:「要溝通到,價值觀夾唔夾,心地好,生活上同工作上畀到意見我,隨緣,我享受𠵱家生活。」
採訪:黃曉妍
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載