› 選擇地區
三藩市
紐約
洛杉磯
其他美國地區
香港 台灣 北美
 
2015年05月15日

齋咗兩年有新歡
阿嬌貼頭洩蜜 愛得低調

成軍15年的Twins最近戀事各有各精采,前日才傳出蔡卓妍(阿Sa)和陳偉霆被分手,昨日就輪到鍾欣潼(阿嬌)有新歡曝光,現年34歲的阿嬌情路崎嶇,兩年前與韓籍舊愛權寧一(K先生)分手後,有指阿嬌現跟相識三年的契哥Calvin撻着,兩人正在蜜運中。

男方擁900萬獨立屋

據報道指35歲的Calvin開設室內設計公司,居住月租10萬元的淺水灣寓所,在元朗有一層市值900萬元的獨立屋,Calvin一直好鍾意阿嬌,直至阿嬌與K先生分手後,他不時噓寒問暖開解阿嬌,終於成功打動芳心。今年三月Calvin生日,阿嬌為他搞生日派對慶祝,兩人頭貼頭親蜜合照,他們的共同朋友、阿嬌舊愛Johnathan亦不避嫌出席。

祖兒證阿Sa未甩拖

不過,昨日記者向阿嬌求證新戀情,她透過經理人霍汶希否認:「我同Calvin識咗二十年,佢真係契哥,我哋冇拍拖。」至於阿嬌的好姊妹容祖兒前晚到紅館為顧嘉煇作品展擔任特別嘉賓,她亦替阿嬌澄清:「冇聽過佢拍拖,其實阿嬌對感情事一向好低調,如果有佢會同我講,唔係都會同我講,但自己呢排好忙,冇乜時間傾。」至於陳偉霆在內地爆紅後,傳出與女友阿Sa分手,祖兒表示沒聽過,並口快快說:「亦都覺得應該未係。」當她醒覺自己講錯說話,急忙儍笑更正:「係唔係嘅,哈哈哈。」之後還爆料:「仍然feel到佢哋好sweet,我偷睇過佢哋微信,內容都好sweet,應該冇事。」
採訪、攝影:馬建華

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載