› 選擇地區
三藩市
紐約
洛杉磯
其他美國地區
香港 台灣 北美
 
2015年05月17日

鄭秀文爆Seed
成皮都有人睇,儍仔嚟㗎

【澳門直擊】鄭秀文(Sammi)「Touch Mi世界巡迴演唱會」移師到澳門金光綜藝館舉行,一連兩場演唱會前晚開鑼,頭場座無虛席,老公許志安一樣未見影蹤。澳門站,Sammi準備了4套新衫,首先穿上以羅馬戰士為概念的舞衣領唱《Bang Bang Bang》揭開序幕。
在演唱會舉行期間Sammi走到觀眾席問價,她問:「幾錢一張飛?1,680蚊?168蚊呀,吓,前面要3,000蚊同9,000蚊,好抵睇呀,香港成皮都有人睇,儍仔嚟㗎,但我嘅演唱會有乜好睇,只係載歌載舞。」Sammi如此一問,不期然令人聯想起鄧紫棋(G.E.M.)以近8,000元天價發售倫敦演唱會門票的新聞,確是一語中的。

開場寓意大鵬展翅

Sammi演唱會4套新衫各具特色,當中不乏性感衣飾,Sammi跟嘉賓林奕匡合唱《時間之光》時,換上一條紅色拖尾長裙,穿上12吋高踭鞋,舉步維艱,上落都要林奕匡攙扶。Sammi在後台接受訪問時表示巡迴演唱會歌衫不惜工本,被問到第一套歌衫「巨鵰」是不是在安仔身上找到靈感,Sammi哈哈大笑說:「叫『大鵬展翅』寓意我要高飛。」向Sammi求證安仔有否到場欣賞,Sammi故作神秘說:「唔話你知,等你心思思。」Sammi表示安仔演唱會她不現身是不想搶鏡,她說:「咁係屬於佢嘅show,焦點喺佢度好啲,我都有做份內事,做樣都要。」
至於安仔尾場自彈自唱《不要驚動愛情》,Sammi說:「佢顧住練琴練肌唔記得念歌詞,但係有誠意,我好感動,年紀咁大仲學琴,換轉係我40幾歲嚟學,唔好話手指硬,頸都硬,某程度上係意志力,佢令我有少少啟發,有啲嘢唔好未做就先驚,好amazing。」
採訪:馬建華
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載