› 選擇地區
三藩市
紐約
洛杉磯
其他美國地區
香港 台灣 北美
 
2015年05月17日

我Q你答問會(上):人人問阿驄
點用狼狗追鬼妹?

甚少拍電影的林敏驄,於新片《全力扣殺》中演國家級羽毛球大師,阿驄前段似癲喪,後段才回復正經,反差很大。正如他在今次《我Q你答問會》中,記者日前在九龍塘火車站外找來15位男女市民,一輪咀問了阿驄大堆問題,有人要求他替黎明金句「唔好空肚食早餐」對下聯,結果阿驄狂寸黎明九唔搭八,之後又突然大師上身,教你狼狗追鬼妹,但最慘是陳七,被阿驄取笑唔識踢波,只識爆房!
採訪:宋文、魏嘉琳

相關新聞:我Q你答問會(下):林敏驄勁過碧咸自詡美斯同「呢」

Q1

Venus:可唔可以幫黎明嘅金句「唔好空肚食早餐」對個下聯呀?唔該晒!
阿驄:黐線嘅,黎明成日噏埋啲嘢!九唔搭八嘅!唔好空肚食早餐,游水前要濕身吖笨!

Q2

Eleanore:點解酒杯敲你個頭,你阿媽會痛?
阿驄:酒杯敲你個頭,係確實你媽媽會痛,唔信你去試試,不過要90度角打落去, 咁先會好痛。

Q3

Tea:你鍾意林夕嘅詞定黃偉文嘅詞?
阿驄:我鍾意林夕打「乞詞」,同埋黃偉文個「肚詞」,其他呢……唉……

Q4

曾先生:仲鍾唔鍾意李美鳳隻《熱愛Can't let you go》?
阿驄:攞身份證嚟睇吓,喂! 咁細個都識大人歌?

Q5

湯小姐:你會唔會再結婚?𠵱家有冇對象?
阿驄:老實講你都幾好樣,大家回片睇睇,嘩!真係冇得頂!

Q6

洪先生:可唔可以教我點追鬼妹呀?
阿驄:你可以用腳追,出得起錢可以搵車追,亦可以用狗追,如果狼死啲搵狼狗追!

Q7

林先生:去旅行你會用背包定篋?
阿驄:旅行我會帶一個太空篋,因為太空篋夠堅硬,任撞任震,背包唔會喇!一係帶個罩,只係罩,罩晒所有嘢出去!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載