› 選擇地區
三藩市
紐約
洛杉磯
其他美國地區
香港 台灣 北美
 
2015年05月17日

我Q你答問會(下):林敏驄勁過碧咸
自詡美斯同「呢」

Q8

黃先生:如果世界只係得一個人,你會選擇陪郭子健定鬼妹呀?
阿驄:鬼妹呢……好唔同嘅!啲皮膚……邊度同呀!好粗㗎嘛!你睇譚玉瑛姐姐……哈哈……爛晒咁……鬼妹同郭子健都使揀嘅!問過條啦!

相關新聞:我Q你答問會(上):人人問阿驄點用狼狗追鬼妹?

Q9

陳先生:你覺得陳七好波啲定你好波啲?
阿驄:陳七都唔識踢波嘅!爆房之嘛!唔係唔係,佢爆炸力好強,訪客球隊多數唔夠佢踢,我就唔同級數,我係美斯呀、C朗嗰級!

Q10

黃小姐:成口鄉音嘅?你邊度人呀?潮州人?
阿驄:你邊隻耳仔聽到我有鄉音呀!我係菲律賓瓦努阿圖火山,維吾爾自治族族長個妹蝦頭雞屋企,隔籬賣報紙個細佬英雄超,隔籬屋嗰個海南島東南沿岸沙堤以南176公里洪都拉斯象牙海岸,江門市入少少,你入到去就知。

Q11

朱先生:你仲記唔記得「超級無敵馬拉松」?你講嗰句蘇格蘭場非工業用乜乜乜話?你可唔可重複一次?
阿驄:全香港都識念啦呢句嘢!阿平阿鈴,念畀佢聽!
(編按:全名為「蘇格蘭場非工業用國際線路自動融雪16嘩佬風油軚垂直升降大包圍連雷射彩色洗衣乾衣腐蝕性氣墊毛筆一支」)

Q12

陳小姐:你兩個仔叫「林肯」同「林善」,咁你再生會叫乜呢?
阿驄:你係咪同我生啫?同我生我咪話你聽囉!不過我又唔想同你生呀!一次生兩次熟,熟咗點算?

Q13

張先生:你覺得自己邊個部位最性感?
阿驄:最性感嘅部位呢!叫「燦核」!不過我勸你唔好攞出嚟!攞出嚟分分鐘俾大狼狗咬咗去,上山食啲再吐番出嚟!俾人踩到pork一聲點同老竇交代?

Q14

黃小姐:你估你同碧咸互射12碼會幾比幾?
阿驄:我畀條片你睇,碧咸射垃圾桶都唔夠我準!去片!

Q15

陸小姐:可唔可以用3句英文介紹自己?
阿驄:No problem!First one, I'm a master(大師). I'm also a father(父親), I'm a very big vagina……,唔係,I come from China(中國).

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載