› 選擇地區
三藩市
紐約
洛杉磯
其他美國地區
香港 台灣 北美
 
2015年05月19日

Eason反常至係正常
唔跑步唔戒煙唔講嘢

【我Q你答問會】陳奕迅(Eason)昨日大駕光臨《蘋果日報》facebook召開「問診大會」,短短45分鐘吸引逾1,100位網友爭相留言,事前又期待又緊張的他,不負吹神之名回答了18位網友的問題,答案詳盡到fb不能盡錄。面對網友提問無條件回答的Eason,自揭台下的自己唔跑步、唔戒煙、唔講嘢,原來人人都做的事情,Eason卻有自己的一套,反常才是正常。

相關新聞:Eason登蘋果facebook開問診大會

陳奕迅(Eason)果然是名不虛傳的吹神,昨日回答網友提問時一輪嘴講到唔停口,還被發現他的記憶力超級驚人,如有網友問「唱邊隻歌可以媾到女?」他除了回答《快高長大》之外,還記得收錄在99年的專輯內,不過就記錯做99年11月的《幸福》專輯,其實是99年5月的《天佑愛人》大碟,但已十分厲害,他更即場哼唱幾句歌詞,令大家大飽耳福。 
在蘋果fb「問診大會」上,Eason幾乎一絲不掛任發問,當他見到網友問:「可唔可以快啲戒煙?」主播宋文還擔心Eason唔想答,說:「唏!呢啲……」Eason大笑反問:「做乜,私人問題唔答咁呀,哈哈哈。」跟着就照答可也,不過,有網友問到跟囡囡的父女關係時,Eason笑笑口說:「唔好講咁多私人嘢,講音樂好啲。」十分保護家人。

自爆炒車瘀事

吹神一條問題可以答足幾分鐘,答案長到fb不能盡錄,如問有否跟老婆徐濠縈跑馬拉松?其實Eason回答時還自爆做運動受傷的瘀事:「2010年臨開騷前踩單車,由銅鑼灣消防局去石澳,大潭水塘前閘濕濕哋,我係第一個炒車,底衫爛晒,成個人拋出去,好在有泥地,唔係真係大件事。」
45分鐘問診大會好快過,Eason說:「今日知道入嚟《蘋果》,好耐冇嚟過,其實已經好期待,所以有啲緊張。」他還醒網友幾句:「記住唔好坐定喺個位咁耐,得閒起身揈一揈鬆一鬆自己,成日對住個mon好辛苦。」
採訪:皓騫
化妝:Karry Wong
髮型:Derek Li@Xenter

相關新聞:陳奕迅、學友爭金曲歌王

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載