蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月20日
馬上成為壹會員

Cammi BB背富二代男友
約闊少食生蠔嘆白酒

Cammi(謝芷蕙)早年同陳冠希流出「蜜照」而為人認識,而佢戀聞亦多姿多采,自2013年同內地富二代阿杰拍拖後,就好似過住「闊太」生活,成日去酒店High tea、又買名牌,認真識嘆﹗

有指Cammi早前獲男友幫忙,喺廣州開咗間逾千呎時裝店,裝修連租夾埋用咗近百萬元,Cammi升呢做老闆娘,不時喺instagram晒自己店舖。

而昨日有周刊爆料,Cammi當初係因為去內地登台,而結識到富二代阿杰,報道更指男方早年曾去外地讀書,近年返廣州打理家族時裝生意,家住5千呎豪宅、有司機接送,Cammi當然出盡力箍實男方,主動搬咗去男方屋企,有傳Cammi完全唔介意同對方屋企人同住。

據報道表示,富二代男友一向好豪氣,成日送過萬元嘅名牌手袋畀Cammi,不過該周刊爆,Cammi除咗平日mark實男友阿杰,亦同好姊妹金慧君約咗兩個闊少,喺北角食生蠔嘆白酒。

報道更指,背住內地富二代男友,喺香港約會闊少嘅Cammi,不時拉高聲線撒嬌、托下巴放生電,對方都好受落,Cammi似乎埋富二代堆冇難度!

另外,Cammi昨日接受《蘋果》電話訪問表示:「闊少係男朋友嘅好朋友,佢同我嘅女仔朋友拍拖,所以先一齊出去玩!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載