蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月23日
馬上成為壹會員

唐貝詩 CEO變形記

唐貝詩每星期勤力煉瑜伽,希望鍛煉美好身段闖娛圈。攝影:陳俊強

【名門】唐貝詩(Lydia)是「70年代機械大王」唐全之子唐基華跟前港姐寇鴻萍所生的長女,Lydia自小品學兼優,2011年於英國University College London修畢工商管理後,回港幫手打理母親的生意。之後寇鴻萍更打本二千萬讓女兒搞團購生意,當過CEO,Lydia卻發現自己醉心娛樂圈,今年她決定簽約中國3D數碼娛樂,進軍影圈,她勤力學戲、做瑜伽,積極裝備自己。
撰文:羅慧敏

獲得親生父母的支持,Lydia決定全身投入香港影壇!為甚麼有富二代、有CEO也不去做,卻選擇辛苦的娛樂圈生活?Lydia說:「其實我幼稚園、小學嘅時候已經好鍾意drama,會捉啲屋企人、同學,逼佢哋同我一齊扮唔同角色,甚至到大個,發覺自己係一個好有感情嘅人,覺得自己性格好古怪,𠵱家演戲都係學習階段,有跟老師學演戲,我好鍾意自己係投放感情嗰方面,係我嘅強項。所以我自己覺得搵到份自己鍾意嘅事業,點辛苦都唔介意。」

日日運動鍛煉身心

母親打本二千萬做團購生意,現時由妹妹唐貝欣接捧,自己則去追夢,Lydia說:「因為我係讀business management,畢業後希望攞啲實戰經驗,學吓生意上嘅嘢,學吓打工,學吓點樣同人交流,𠵱家就由我妹妹實習緊,自己就會注重番演藝事業上面,自己熱誠喺演藝上。暫時短暫嘅目標就係做好自己,可以表現好自己。我自己想拍戲,越係同自己本身唔同嘅就越好,演戲最有趣嘅就係可以活喺人哋嘅世界,好似卡通片可以拍真人版,例如小丸子身邊有個朋友叫小玉,紮孖辮、戴眼鏡、儍儍嘅,我好希望可以做吓呢啲角色。(接受性感演出嗎?)性感都OK嘅。」
決定入行後,現時Lydia每天做運動,操弗自己,她說:「每日喺屋企都做一啲拉筋運動,瑜伽上希望可以做一啲靚嘅跳舞動作,好似一字馬、倒立,自己都好欣賞欣宜,佢啲動作好靚,又訓練到自己做一字馬,所以自己都要下定決心去做。之前都好少運動,𠵱家做運動之後身心都健康咗好多。」現時Lydia愛上瑜伽,她已能做出很多高難度動作:「有一次約咗啲朋友學瑜珈,之後一直keep住做,發覺自己好鍾意運動,之後就去搵更多唔同嘅運動,有時約朋友social,都唔係好多嘢可以做,好鍾意約埋一齊去跑步同做gym。」

化妝:Ice Yee of 蒙妮坦學院
場地提供:Wow Fitness
健身教練:Andy Wong of Wow Fitness
瑜珈導師:Angie Lam

【父母離異感遺憾】

寇鴻萍是1982年的香港小姐季軍,入行後曾任電視節目主持,87年與唐基華結婚,二人育有現年27歲的Lydia與24歲細女唐貝欣。二人92年正式離婚,之後寇鴻萍與采蝶軒老闆梁廷鏘(Patrick)拍拖,並於03年再婚。

愛陽光男孩

Lydia謂當初見父母離婚很不開心,她說:「最唔開心嘅係我會少見Daddy好多,因為以前一齊住,我好鍾意Daddy,呢個係遺憾,但我哋到𠵱家關係都好好,有咩都一齊傾訴,佢知我入行都好支持。」母親再婚,Lydia跟繼父關係如好友,她說:「Patrick好好,佢哋一齊10幾年,睇住佢哋一路拍拖到結婚,佢個人好隨和好有幽默感,唔嚴肅,心地善良,成日幫我哋,有時我同媽咪嗌交,佢會喺中間緩和角色,佢係一個好男人!」

不過Lydia沒有受到父母離異影響自己的感情世界,曾跟毛玉萍兒子Eric拍拖三年、被指是富二代「狙擊手」的她,繼續尋找真命天子,她說:「我𠵱家冇拍拖,希望搵個我着高踭鞋佢都高過我嘅男朋友,仲要傾得埋,有修養,性格好,最好有共同嗜好,我鍾意陽光男孩。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載