› 選擇地區
三藩市
紐約
洛杉磯
其他美國地區
香港 台灣 北美
 
2015年05月23日

伊健拒夫妻檔𢱑銀 怕戲假情真

鄭伊健昨日在尖沙嘴出席由《蘋果動新聞》主辦的「第一屆動品牌大獎2015」,活動旨在鼓勵各品牌並表揚它們過去一年的努力,伊健以頒獎嘉賓身份頒發「全城至愛動品牌」大獎予得獎者港鐵。
伊健受訪時,表示做各類產品代言人,但啤酒廣告未做過,以前在泰國拍過一個啤酒廣告,但最終沒有出街。問到伊健酒量,伊健說:「一時時,以前入行都有監製同我講,話我人生經驗唔夠豐富,叫我落酒吧蒲吓,真係幾有用,可以睇吓人生百態,後尾落咗去真係見到好多嘢,有啲人飲酒前後真係兩個樣。」問他當時有否趁機識女仔?他即說沒有,都是與幾個訓練班同事去,酒吧沒有異性最安全。

問伊健會否接受與太太蒙嘉慧夫妻檔拍廣告?伊健笑說:「我哋從來都冇合作過電影、電視劇,費事戲假情真,哈哈,不過我哋都唔係拍戲一齊,係喺呢行認識。」至於張智霖與袁詠儀夫妻檔拍內地節目,若重金禮聘邀請伊健夫婦會否考慮?他說:「暫時唔會啦,分開做會好啲。」是否怕有拗撬?他說:「浪漫嘅嘢,唔想放工作度。」至於有否探過好友謝天華的囝囝?伊健稱見過大人,未見過BB。

想拍《全力扣殺》續集

提到電影《全力扣殺》開拍續集,籌備如何?伊健表示想再跑多些戲院宣傳,現時票房已過千萬,問他是否有意投資續集?他笑說:「預我先啦,我咁細份,我都想拍續集嘅,因為幾港式嘅精神,我覺得可以延續。」一向熱愛踩單車的伊健,又提到近日睇新聞見到單車遊行,希望政府可在港多建單車徑。
採訪:溫敏芝
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載