蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月23日

【太平清醮攻略】
睇飄色巡遊最佳位置

18,531

5月25日就係佛誕,每年佛誕長洲就會舉行太平清醮慶典,每年都有幾千人入長洲欣賞飄色巡遊同搶包山。一如以往,太平清醮當日下午兩點至四點為飄色巡遊,晚上十一點半至凌晨十二半為搶包山。動主播吉吉及Yvonne請來長洲影藝會會長區源欽先生,教大家「太平清醮十大貼士」,等大家喺太平清醮期間玩得更自在。

貼士一.
7:00a.m.坐船入長洲
因為早上9至12點係人潮時段,好大量遊客坐船入長洲欣賞飄色巡遊,如果唔想同人逼,坐7點班船入去就比較舒服。

貼士二.
8:00 a.m. 新興街一帶影靚相
新興街係唔少會所及武館的集中地,而太平清醮當日大部份武館及會所都會在門口佈置各式各樣的裝飾,區生表示8至11點喺新興街會影到不一樣嘅相片。

貼士三.
11:00 a.m. 食長洲魚蛋
新興街除咗可以影靚相之餘,大家亦可以揾到唔少長洲嘅特色食品,例如:平安包,紅豆餅,長洲魚蛋等,不家可以掃街一番。

貼士四.
11:30 p.m. 街市買100%魚蛋
近年長洲魚蛋非常出名,幾乎每位去長洲遊客都會食長洲魚蛋,不過要買到真正百份百嘅魚蛋,可以去長洲街市揾揾,長洲街市魚蛋舖老闆表示,平時大家食到嘅魚蛋大多都落咗好多膠粉,勸大家少食。

貼士五.
12:00 a.m. 天后廟霸靚位
今年嘅飄色巡遊路線同以往一樣,由北帝廟作為起點,天后廟作為終點,要數睇飄色嘅最佳位置,區生表示天后廟就係最佳位置。天后廟係巡遊路線嘅終點站,而且所有飄色單位都會到天后廟門前叩拜,必定睇到所有飄色,不過記得預早時間霸位!

貼士六. 記低廁所位置
長洲北社街公廁、長洲街市公廁,這兩間係長洲比較大型而方便的公廁。而麥記除有齋包食之外,亦都有廁所提供,都係一個唔錯嘅選擇。

貼士七.
6:00 p.m. 長洲街市天台平台影日落
長洲嘅日落景好出名,區生表示原來長洲街市天台平台係影長洲日落嘅最佳位置之一,真係估佢唔到。

貼士八. 7:00p.m.排隊攞包山入場劵
今年大會提供1650張搶包山入場劵,在太平清醮當日晚上十時開始派發,先到先得,大家記得預早喺長洲消防局旁嘅北社一里沿冰廠街路排隊。

貼士九.
球場外霸靚位睇包山
如果真係咁唔好彩攞唔到搶包山入場劵,大家可以到球場外霸靚位睇包山,不過四邊有圍欄擋住,唯一比較好嘅位置就係近海邊嘅位置。

貼士十.
01:15 a.m.有船返市區
新渡輪特別喺淩晨01:15,增設由長洲開往中環的普通渡輪加班服務返市區,其他時段照常服務。

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載