› 選擇地區
三藩市
紐約
洛杉磯
其他美國地區
香港 台灣 北美
 
2015年05月25日

被揭亞視飯局不快事
呂晶晶:有飲醉冇下文

本周五便是亞視台慶,但早前亞視不獲續牌,是非新聞更不絕於耳。自早年開始,已有傳亞姐甚至亞生要「陪客」,昨日再有報道爆多次否認有出席過飯局的04年亞姐冠軍呂晶晶,原來亦曾被邀到杭州應酬一班內地高官商人;晶晶被人狂灌飲酒至不省人事,而她當時的緋聞男友盛品儒雖然在場,但對一班男人毛手毛腳都沒有理會。

盛品儒:要飲我醉先

呂晶晶昨日在微博發聲明,重提數年前這段不快事件,她寫着:「因本人不擅於飲酒,那天一杯紅酒下肚已醉倒,當時助手和經理人都在場,馬上扶我回去房間休息,其間並沒有發生令大家誤會的事情。」她特意謝謝老闆娘諸葛紫岐(Marie)的關心和信任,Marie表示明白女藝人工作時會吃虧,並透過短訊回覆:「當晚絕無下文,我會努力保護旗下藝人。」

據報道指當時與晶晶傳緋聞的盛品儒亦在場,盛品儒昨日透過電話表示對事件冇印象,亦未聞有人對亞姐問價,他說:「我唔係好記得,如果去大陸有商家官員都係一啲合作活動,全部都係正經,但飯局飲酒好正常,我相信任何一間電視台都有。」是否有人逼飲酒?他說:「我諗冇呢件事,問題係你飲一啖就醉,或是飲一杯醉呢?」晶晶是否酒量淺?他哈哈笑說:「我唔記得嘞,但至少我喺度都唔會(有事發生),我會保護所有人,要飲我飲醉先。」

曾爆被騙去卡拉OK陪客的顏子菲,昨在電話中表示同情呂晶晶遭遇,她說:「我相信佢唔會無啦啦講大話,呢啲唔係好自豪嘅事。」子菲自言從未返大陸應酬,但香港就試過幾次,她說:「老闆(王征)有一、兩次喺度,咁啱我每次第二日返早都會早走,冇人喺到我做唔願意嘅事。」張家瑩和筱靜異口同聲表示會推辭,筱靜說:「我返大陸多數出騷,如果去應酬多數搵有title嘅人去,唔需要我囉。」張家瑩則說:「普通飯局都會有,但冇乜原因就唔會去,更唔會夾硬飲酒。」而晶晶前男友林韋辰表示當時兩人已分手,沒聽聞過事件。
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載