› 選擇地區
三藩市
紐約
洛杉磯
其他美國地區
香港 台灣 北美
 
2015年05月31日

忙碌老竇唔合格

林雪嫂持家有道,令老公放心為事業拼搏。
資料圖片

螢幕上的林雪,總是扮演惡形惡相的角色,事實上鏡頭背後的他性格隨和,說話陰聲細氣,林雪形容自己性格:「幾浪漫,好溫柔,我嘅星座係巨蟹,成日希望照顧人。我冇挑剔,可以遷就人,原則上係yes man。」
林雪和天津鄉里老婆已婚19年,兩人於96年拉埋天窗,年輕十歲的雪嫂婚後來港居住,兩人育有一女一子,林雪感激太太勞心勞力照顧家庭,讓他放心為事業拼搏,他自問是愛妻號:「屋企嘅嘢,我畀晒老婆話事,即使佢叫我一餐只係食兩條菜,我都冇問題。唯一我要有話事權嘅嘢,就係仔女嘅教育,呢樣大家一定要有商有量。」

相關新聞:有話兒:有種文青叫林雪

望子女體諒

拍戲工作經常日夜癲倒,林雪錯過了跟子女的天倫之樂,他大感歉疚:「電影人成日忙埋啲無謂嘢,傾劇本啦,應酬啦,我又唔識分配時間,為咗搵食,同仔女相處時間好少,大家感情上始終係爭啲,呢啲都係唔可以原諒嘅過失,冇得追憶番小朋友成長過程,仔女童年冇得NG,所以我呢個爸爸最失敗。」如果一百分是滿分爹哋,林雪坦言:「我係唔合格,淨係冇陪佢哋都扣咗好多分,50分啦。」林雪家人是有無私的愛,他相信待子女長大,自會明白爸爸演藝行業的性質,到時就會體諒:「我冇同過佢哋解釋,時間證明一切,子女大咗,希望佢哋明白。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載