› 選擇地區
三藩市
紐約
洛杉磯
其他美國地區
香港 台灣 北美
 
2015年06月09日

祖兒代師兄求情
「希望大家盡快原諒佢」

容祖兒男友劉浩龍(師兄)因為日前在facebook發表「污糟的手」言論遭全城鬧爆,雖然師兄已經漏夜刪除留言及道歉,但依然未能滅火,更連累祖兒遭網民勁插,彈她揀男友欠缺眼光,又認為她應該盡早提出分手。祖兒昨日與李克勤身穿校服,以學生造型在柴灣拍攝合唱新歌《世界真細小》的MV,雖然她直認師兄行為鹵莽,不過亦不難發現她對男友袒護之情。
祖兒聲稱男友為錯失而自責,她說:「佢呢幾日好自責,詞不達意造成誤會,呢個唔係小事,為咗一個錯失令大家唔舒服而對佢有咁嘅評論,我都戥佢唔舒服。經一事長一智,畀佢一個教訓。」愛之深責之切的她更公開為男友求情,祖兒說:「係鹵莽嘅,我有同佢分析過公眾人物講嘢要負責任,喺錯誤中學習,希望大家盡快原諒佢。」

相關新聞:發展局都抽水

做女友有壓力

師兄初時以「有潔癖」作辯解,問到祖兒兩人拍拖會否特別費神?她謂:「對我會造成幾大壓力,我好『呢啡』,但我都會洗手。」
而克勤談到祖兒躺着中槍一事,他笑說:「做身邊人唔多唔少都會沾濕,在所難免,共度患難先見真情。」
此外,容祖兒昨日在Instagram上載一張蔡卓妍(阿Sa)的照片,並留言:「香港地真係好易撞到明星㗎!」她在結束拍攝工作坐車離開時,在路上巧遇阿Sa,當時阿Sa坐着助手開的車,和祖兒的車擦身而過,祖兒還及時拍下了阿Sa露出燦爛笑容的一刻。
採訪:王連連

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載