› 選擇地區
三藩市
紐約
洛杉磯
其他美國地區
香港 台灣 北美
 
2015年06月13日

【我主場】尹光數波波

「我瞇埋雙眼數波波,如要我數齊有千萬個……」以上是尹光首本名曲《數波波》的歌詞,別說要數千萬個波波如何費勁,要跟數以萬計的波波玩遊戲,相信玩一陣都令你喘氣。尹光前日就去到太古城,試玩將會由即日起一連三日於太古城溜冰場化身超大型波波池的「波池的海」,親親數以萬計的波波,尹光又瀡滑梯又飛身瞓波池,兼且邊玩邊唱他的首本名曲《數波波》,66歲的尹光終於一嘗過往未曾試過的波濤洶湧滋味。

相關新聞:阿聰菀之變大細路

以前玩汽水蓋

尹光回想從前也有帶兒子玩波波池,尹光說:「阿仔(現在31歲)細個都有波波池玩,但係場地當然好細,𠵱家21世紀樣樣都先進,我真係咁大個仔都未睇過咁大嘅波波池。如果問起我想唔想抱孫,我梗係想啦!但係個仔都未結婚,就快㗎嘞!如果帶住個孫梗係去遊樂場,2、3歲嚟到波波池,成個人浸晒落去都得,𠵱家啲小朋友幸福到不得了,我以前𡃁仔玩汽水蓋咋,以前細路哥冇咁多嘢玩,𠵱家數之不盡。」尹光笑指,若要將現場數以萬計的波波變做一樣東西,他說:「梗係將啲波波變晒啲銀紙就最好。」

尹光早前在廣州舉行的「2015華語金曲獎音樂盛典」獲頒「華語樂壇傑出貢獻獎」,以表揚他對華語樂壇的貢獻,尹光表示堅持用歌曲發放正能量,希望社會減少負能量,他隨後將於廣州舉行演唱會,又會到郵輪及澳洲登台演出。尹光指年尾才會推出新歌,並於文化中心舉行個唱。尹光愛好運動,他說:「我愛好健康,我成日都打乒乓波,但咁大嘅波波池都係第一次玩,而歌曲我當然係最鍾意《數波波》。」
採訪:張俊銘
場地:太古城溜冰場

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載