› 選擇地區
三藩市
紐約
洛杉磯
其他美國地區
香港 台灣 北美
 
2015年06月13日

【爆相爆片】「我靜咗太耐」
江華轉行賣保險

現年52歲、經常被指「比劉德華更加劉德華」的江華,早年有傳他因腰患而患上抑鬱症,休息了一段日子,不過病癒後一直都有未新消息傳出。昨日有讀者經本報「爆相爆片」發現原來江華轉投保誠做保險。相片上見到江華一貫姿整打扮,黑西裝襯吊腳褲兼戴帽和黑超,在類似會議室的地方出現,雖然江華淡出娛圈一段日子,不過星味甚濃。
昨日本報記者向江華求證,他在電話上大方承認此事,他說:「我呢期玩保險,主力係人壽保險,人生有太多嘢玩,不過目前都係玩票性質,當係學習同體會一吓。我返咗三個月左右,亦都有去過內地,有傾吓啲投資拍電影嘅嘢。」
他續說:「其實都幾好玩,我都靜咗太耐,養尊處優,所以喺出嚟呢段過程,都覺得幾精采,有好多人生嘅第一次。」追問箇中詳情,他哈哈大笑說:「我人生第一次派卡片,呢個從來都冇試過,以前做演員係好被動,𠵱家變咗要主動接觸人,呢樣真係好特別。」

等投資者開戲

問江華會否從此息影不拍戲,他笑說:「保險好free,呢個行業要接觸好多人,係一個相處相交嘅學習機會,今時今日我喺幕前演出嘅興趣唔大,除非嗰套戲嘅劇本同團隊好吸引,𠵱家反而對策劃嘅興趣大啲。𠵱家已經有一個好強勁嘅團隊,只係等一個合適嘅投資者,傾得成就可以開(戲)。」至於做保險的業績,他又笑說:「呢啲無可奉告,我只係玩票性質,反而想識朋友,曾經有啲朋友話幫我買,只要話佢知一定唔蝕,同埋三年之內可以攞返錢就得,但係如果你純粹係畀面幫我買,我唔要,亦都有人覺得我應該去拍戲。」
採訪:何慧斯

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載