› 選擇地區
三藩市
紐約
洛杉磯
其他美國地區
香港 台灣 北美
 
2015年06月13日

接老竇棒搵銀 欣宜預告錫錫秋官

欣宜接棒做代言人,造型似足老竇秋官當年的經典廣告。

鄭欣宜接父親鄭少秋(秋官)棒,為保健食品擔任代言人,昨日更於清水灣片廠拍攝新一輯廣告。欣宜得悉成為該品牌代言人後,即時將消息告知父親:「因為廣告入面要跳舞,所以我將排舞片send咗佢睇,佢都話睇咗好多次。」問到可會想超越父親的舊廣告?欣宜笑謂:「冇諗過要超越,只係想年輕一代都接受呢啲保健食品。爸爸嗰個廣告old school啲,而我哋呢個就新潮啲,首歌會用番,但就會重新編過曲。」

父親節同老竇拍拖

早前秋官表示希望父親節收到女兒的吻,欣宜笑謂:「錫面珠咋?錫面珠冇所謂,我哋見親都會咁做。」欣宜透露已定好日子跟秋官慶祝父親節,並稱二人像約會一樣食飯行街看電戲,已是最好的父親節禮物。
此外,提到早前擔任側田個唱嘉賓,對方更有意邀她擔任往後巡唱嘉賓,欣宜說:「搵我啦!其實我開頭都有啲擔心,因為要同佢跳啲較親密嘅舞,都驚佢啲fans會謀殺我,但見𠵱家反應咁好,都好開心。」
採訪、攝影:譚倩宜

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載