› 選擇地區
三藩市
紐約
洛杉磯
其他美國地區
香港 台灣 北美
 
2015年06月14日

易角罵戰無阻去P集郵
齊昕暗寸楊子瑤奀星

特首梁振英女兒梁齊昕年初傳出要加入娛樂圈,即有導演劉俊輝力邀她處女演出電影《男極探射燈》,可是開戲前,齊昕卻臨陣辭演,劉俊輝嬲爆開記招發聲明,當中提到「我們受夠了」。《男》片被迫換女主角,最近宣佈由影圈新人楊子瑤執二攤,記者日前問楊子瑤覺自己那方面較齊昕優勝,楊子瑤即說:「我正常啲啩!」被寸爆的齊昕前晚馬上在facebook留言反擊:「What is歪星楊乜what瑤?」齊昕擺明揶揄楊子瑤是「奀星」。

錫錫Suki面頰

齊昕連日曝光不絕,她前晚又在清水灣出席一個周年派對,並遇到徐淑敏(Suki)夫婦、謝安琪、周家怡、李逸朗和楊思琦等,齊昕全晚不停集郵,齊昕又賣萌嘟嘴作狀錫錫Suki面頰,照片更貼上社交網分享,兩人全場糖黐豆。
Suki昨日在電話中說:「我哋之前見過,食過飯,齊昕個人好爽直易相處,好nice,又玩得,成日笑好sweet。我哋乜嘢都有傾,我仲介紹場中一啲藝人朋友畀佢認識,齊昕好受歡迎。」Suki和老公黃浩前晚都有帶着三名寶貝女和奶奶出席,三代同堂。
Suki表示也有跟齊昕分享扮靚心得,可有打算邀請齊昕做其護膚品代言人,Suki說:「請唔起佢,我有送畀佢試用。」齊昕前晚在派對上玩得非常盡興,更風騷扭腰跳舞。
採訪:陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載