› 選擇地區
三藩市
紐約
洛杉磯
其他美國地區
香港 台灣 北美
 
2015年06月17日

舊愛兩次偷食招分手
陳定幫揭夢夢床照:無謂提

戴夢夢日前被本報影到跟已婚太極鼓手朱翰博(Ricky)到中環high tea,兩人承認發展中,Ricky嫂指夢夢破壞婚姻,夢夢更被Kawaii爆當年因拜金,遭過氣未婚夫陳定幫取消婚約。昨日有知情者向本報爆料,指夢夢當年拍《一走了之》MV時搭上楊盼盼徒弟、奀星German,有傳兩人曾影過床照,陳定幫發現後怒撇夢夢。

電腦存床照

據知情者透露:「夢夢同奀星影過床照,兩個人冇着衫喺張床度,夢夢將啲相擺喺電腦入面,點知有次俾阿幫(陳定幫)喺電腦睇到,佢即刻發晒癲要分手,夢夢喊晒認錯,阿幫心軟原諒咗佢,但之後夢夢北上做嘢,又搭上咗一個內地藝人,阿幫終於死心,決定同佢分手。」
昨日有雜誌指夢夢曾兩次偷食被陳定幫揭發,他發現夢夢跟German傳情慾短訊,之後又跟有翻版林峯之稱的內地藝人魏巍過從甚密,結果陳定幫怒撇夢夢一刀兩斷。記者昨問爆夢夢拜金的Kawaii有否聽過夢夢偷食傳聞?她說:「都有聽過,真定假唔知道。」
記者昨致電陳定幫求證當年是否發現夢夢跟German的床照?他說「冇,唔回應啦。」追問是否曾發現夢夢偷食?他厚道地說:「過去嘅嘢都無謂提。」記者指他大方,原諒夢夢第一次偷食,第二次才分手,他說:「人總會心軟,血肉之軀嚟。」他強調分手後跟夢夢沒聯絡。至於夢夢昨日則避接電話,至截稿前沒回覆。
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載