› 選擇地區
三藩市
紐約
洛杉磯
其他美國地區
香港 台灣 北美
 
2015年06月18日

老公涉偷食 稱女伴頭暈
小環與夫同心:玩得檢點啲

譚小環與任職保險公司區域總監的蔡強榮(Eric)結婚8年,一直表現恩愛,但昨日有報道指Eric趁小環忙於打理魚蛋檔,經常以見客為由,瞞妻外出偷食,日前更被影到偷嗒長髮索女。當日Eric除下結婚戒指約索女到圓方食飯,離開時二人到暗角位取車,Eric主動掹對方衫尾、捉玉手,身體還緊貼女方,最後坐上白色七人車載女方離開;但原來索女已有正印男友,複雜關係令人摸不透。

強調夫妻感情不變

小環昨日在電話中維護老公說,認為只是普通飯局聚會,她否認接受周刊訪問時口窒窒,小環解釋:「我係絕對相信我老公,唔通叫佢喺一個普通飯局,或者食飯都要檢點啲,唔好咁誇張啲動作,或者唔好出聲講嘢,其實呢啲唔係好make sense,點解有時睇片會口窒窒,因為噚日實在太突然,我亦需要時間去消化啲圖片,究竟發生乜事,諗吓點答,講嘢會慢咗啲,而俾佢哋講成『口窒窒』。」
小環強調與老公感情不變,她說:「我哋相處得好好,佢份人比較幽默,成日引我笑,我完全唔覺得我哋有問題,佢真係對我好好。」會否不准老公單獨約異性?她說:「唔會,每個人都有自己嘅朋友,自己嘅空間,但就要小心啲,去啲地方係冇人影相。」

Eric:同太太講咗sorry

Eric昨亦為「偷食」事件解畫:「其實係公事,個朋友識咗好多年,好熟,有時玩起上嚟有啲樂極忘形,同埋佢嗰日病咗,好似啲相話捉住隻手,根本就唔係,係問佢有冇暈、有冇好啲,不過有時啲動作玩得興奮,會令人誤會,已經同太太講咗sorry,要玩得檢點啲,影響到朋友就唔好喇!」Eric更承諾會收斂:「兩公婆都咁多年,大家相處有咗個模式,唔希望一件咁嘅事,衍生咁多嘢出嚟,對任何人造成影響,我都覺得有啲唔好意思,自己都會收斂啲。」
採訪:比華利

蘋果20年 企硬我敢言
http://20.appledaily.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載