› 選擇地區
三藩市
紐約
洛杉磯
其他美國地區
香港 台灣 北美
 
2015年06月18日

【add】
紅人主場:Janice Man高速轉型

由𡃁模始祖到模Art再到去年自組公司做老闆,年僅26歲的文詠珊(Janice Man)入行十年身份轉又轉,似乎終於走上高速公路,接拍大片機會不斷,半年間又埋頭內地連拍兩劇,密密工作不停手。正值當打之年青春本錢搭夠,Janice的鬥心亦堅定不移:「30歲前我好希望演藝事業會獲得肯定同認同!」

統籌:林妙萍
撰文及造型:趙潔恆
攝影:周樂恒
化妝:Vinci Tsang of VW makeup
髮型:Matt Chiu of Xenter

Janice Man自去年加盟黃柏高的太陽娛樂兼自組工作室後,瞬即開行turbo,繼有機會在大片《赤道》出演一角,她過去半年又搏殺連拍兩套內地劇《畢業歌》與《蜀山戰紀之劍俠傳奇》,分身不暇,努力衝刺一輪,最近終於回港喘息。

思鄉病發

一見JM就發現她又苗條不少,穿起露腰服飾更show off一排腹肌,在內地拍《蜀山戰紀》要應付大量武打場合,也難怪身形操得這樣fit。「真係提升晒體能同忍耐力,三十幾度着住古裝仲要舞雙劍。每日嘅生活就係起身、化妝、開機拍戲、返酒店背劇本,完全冇咗life,但係又覺得咁樣磨練自己係一件好開心嘅事。」JM在片場連拍十幾個小時、每餐都食杯麵、在酒店遇上超大蜘蛛嚇至花容失色,在荒山野嶺被蚊針到全個額頭腫起來,全部濕濕碎,最難熬是掛念香港的家。「最大感受真係知道homesick係咩一回事,係第一次離屋企咁耐,一開始好唔適應,跟住連香港陣除我都唔記得咗,會有咁嘅感覺。」

挑戰尺度

在內地拍劇吃些苦,讓JM感嘆在香港拍電影是件幸福的事。「希望可以做到半年在內地拍劇,半年回港拍一兩套電影,好掛住好鍾意香港,都想兼顧到為香港電影出力。好感恩有好多機會,趁後生梗係要勤力啲啦,樣樣都要試。」繼於《赤道》演性感打女,她客串拍攝的新片《巴黎假期》都抓緊機會突破自我。「雖然只係拍三日戲,但我都專登去學揸電單車,因為今次個角色好tough又有啲rude、爛躂躂咁。個造型我自己都從未試過,好似畫咗好多紋身呀、又染到個頭七彩,仲要好大膽主動去錫古天樂。」一連兩套戲的形象都與她之前予人的甜美感覺南轅北轍,接下來又會否挑戰更大的尺度?「咁啱兩套戲個角色都係型啲,冇話特別轉型嘅,如果遇到一套作品我好希望嘗試嘅話,我都會挑戰尺度。(並不介意性感嗎?)坦白講我覺得自己冇性感嘅料,但性感唔一定係身材方面,性感可以係發自內心或者係眼神、體態,都可以好有味道。」

守護愛情

JM的事業全速前進,愛情亦悄然降臨。去年已傳出她與任職黑石集團私募股權投資總監的富二代吳啟楠(Carl Wu)發展穩定,月初她被拍到與Carl及友人黃愷傑等一同往台灣十份旅行,日前又被周刊拍到她與Carl一起購置家具,JM卻刻意低調處理緋聞。問她是否正在蜜運中?「都係了解當中啦,係有一啲好好可以考慮嘅對象。」自認是工作狂的JM,卻不否認愛情亦相當重要,「事業係為先,但係都冇可能成世唔拍拖㗎,好慘箒!」不過她就好希望可以將戀情好好守護,「都關自己做呢行事,如果另一半係圈外人,都唔想另一半會有狗仔隊跟,都要為對方着想㗎嘛。」

戒掉購物慾

JM北上拍劇密密搵銀,早前又在股市有斬獲賺取七位數字,晉升圈內小富婆之列。辛苦工作可會獎勵自己,買個手袋買雙高踭鞋呢?「我係比較鍾意買高踭鞋同唇膏。以前係shopaholic嚟㗎,不過去咗內地拍劇日日都着戲服,都根本冇機會拎手袋、着高踭鞋,買嚟都冇用啦,到用時個款又out咗!都好嘅當儲錢,想快啲買樓好過。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載