› 選擇地區
三藩市
紐約
洛杉磯
其他美國地區
香港 台灣 北美
 
2015年06月20日

老公被指花弗包女5年
小環晒恩愛相擋桃花

港姐譚小環與任職保險公司區域總監的蔡強榮(Eric)結婚8年,一直表現恩愛,但日前男方被周刊爆料指他背妻偷食,Eric被拍到跟一名女子到圓方約會,他主動掹對方衫尾和捉手仔,事後小環仍然力撐老公,對他投百分百信任票,但就勸喻老公在公眾場所要檢點,Eric則向老婆致歉,兩人同時否認有小三。
Eric和小環未有受事件影響感情,夫妻前晚拍拖晚飯時,更在facebook貼出恩愛照,但昨有讀者報料起小三底,指與Eric圓方撐枱腳的女子叫阿Man,曾任職宏利保險,更指兩人關係曖昧,暗交5年,而且Eric為人花弗,經常媾女下屬,還指Eric撇下小環相約男同事結伴遊泰國蒲夜場,而他的另一紅顏知己竟是小環手作店和魚蛋檔的拍檔。

疑被人整蠱

對於被爆料指控,Eric昨在電話回應時氣定神閒:「爆我暗交5年,點解咁多年都冇爆出嚟?話我包佢,唔該拎證據出嚟,咁樣講嘢心哋唔好,好冇口德,我當小環拍檔係『細佬』,我哋完全冇嘢,同埋我不嬲去旅行都同埋小環一齊,我唔鍾意蒲夜店,我係『灰姑娘』,好早交人。」
Eric估計是被人整蠱:「我喺保險業咁耐,多年嚟都炒過冇一千都八百人,可能啲人乘機落井下石。」小環接過電話撐老公:「呢啲報料係無中生有,話我老公咁多女,除非佢隱瞞我有三胞胎兄弟,同一時間先分到身。」
據知,Eric最近的而且確把小三LaLa帶回家,並與小環同一屋簷下,但LaLa是貴婦小狗,Eric雖對狗有童年陰影,但愛妻的他還是花數萬元買一隻𠱁老婆,Eric說:「LaLa係唔可以上床嘅小三。」
採訪:劉敏

蘋果20年 企硬我敢言
http://20.appledaily.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載