› 選擇地區
三藩市
紐約
洛杉磯
其他美國地區
香港 台灣 北美
 
2015年06月21日

陳錦鴻對兒子從不放棄

陳錦鴻最大的成功感,就是教兒子學到一件新事物。陳錦鴻提供圖片

陳錦鴻的兒子陳駕樺(Edgar)今年8歲,2歲時證實患自閉症,之後更被評估是中度智障。不過錦鴻與太太杜雯惠對兒子從沒想過放棄,去年兒子在主流學校考獲全級第一名,錦鴻說:「我哋從來冇灰心,好似耕田咁,瘦田都會有收成,唔種粟米咪種番薯囉。」錦鴻一直為兒子請影子老師,至今年才讓他獨立,他說:「今年考全班第八,其實名次唔重要,最重要學識同人溝通。自閉嘅小朋友,會活係自已世界中,唔鍾意聽人講嘢,有時真係幾固執,好似要教佢去廁所大小二便都需要花較長時間,去到6歲半先學識自己去廁所,真係有好大好大成功感。」
錦鴻主要負責囝囝的吃喝玩樂,平時會一齊游水和踩單車,他視為親子樂:「我仲會同佢一齊沖涼,互相幫對方洗頭、擦背,同佢多啲互動,𠵱家仲識發問問題。」今年父親節,錦鴻預計收到兒子的繪畫做禮物,他說:「佢有上畫畫班,老師應該會叫佢哋畫幅畫應節,當晚就一家人去酒樓食飯慶祝。」
撰文:嵐山

相關新聞:黃家強望子成龍 齊齊Jam歌

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載