› 選擇地區
三藩市
紐約
洛杉磯
其他美國地區
香港 台灣 北美
 
2015年06月23日

嘉穎想結婚生仔
蔡思貝翻撻舞男 蜜封戀情

感情生活多姿多采的鄭嘉穎和蔡思貝,緋聞不絕,兩人最近先後被拍到與新歡同行,鄭嘉穎情歸陳凱琳,蔡思貝日前則被指翻撻前男友、《狂舞派》舞蹈總監麥秋成,二人更在清水灣村屋共賦同居。昨日鄭嘉穎和蔡思貝應邀出席位於尖沙嘴的鐘錶行開幕剪綵儀式,由於場內極度混亂,逼到水洩不通,鄭嘉穎熱到一頭大汗,而本來擔任剪綵嘉賓的蔡思貝更被逼得寸步難行。

相關新聞:接棒姣精:緋聞男友一大籮

嘉穎面掛春風

鄭嘉穎和蔡思貝接受訪問時,另一位嘉賓謝雪心亦被擠在一起,心姐即刻打開話題,對嘉穎說:「你春風滿面!」嘉穎反應極快說:「今日開張好日子,唔好講呢啲!」之後,話題轉到近日封面人物蔡思貝身上,背心短裙打扮、青春逼人的蔡思貝,被問到翻撻麥秋成共賦同居一事,她說:「係咩?冇睇到,唔講戀情,專心工作。」問到有否出入麥秋成住所?她說:「我唔提呢啲嘢。我想專心工作,其他人嘅嘢我就唔講。」她表示自己是單身又指麥秋成是朋友:「男女關係講得太多,希望大家講工作。我唔想講朋友嘅嘢,我哋係朋友關係。」
接棒的鄭嘉穎被問到跟陳凱琳的進展,他婉拒大家的關心說:「多謝大家關心,呢個唔係真人騷,唔使每日以匯報形式話畀大家聽,畀啲空間我哋。」嘉穎被心姐指春風滿面,他說:「唔好理我,我有分數。」心姐忍不住插嘴說:「一早見到佢甜絲絲喇!」
嘉穎被問到豪花450萬買法拉利追女戰車,他笑說:「唔好理我喇!唔使喇!其實呢啲係細個時候童年夢想,大個想實現。」除了買跑車,嘉穎還有更多夢想要實現,他說:「結婚生仔,每個人有個list,做一個剔一個,就係咁簡單,當照顧到屋企人就可以做任性嘢。」
活動後,蔡思貝隨即到中環蘭桂坊開工,同場還有產後復工的長腳蟹呂慧儀,二人見到記者即刻熱情揮手扮咀嘴,有不少圍觀途人用手機狂拍。
採訪:黃曉妍

蘋果20年 企硬我敢言
http://20.appledaily.com
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載