› 選擇地區
三藩市
紐約
洛杉磯
其他美國地區
香港 台灣 北美
 
2015年06月24日

唐詩詠未揀定Tony
笑對暗嗒沈震軒

唐詩詠與崔建邦經過多次離合,最終分手收場,近日男方與22歲模特兒陳嘉莉傳閃婚,詩詠亦傳與洪永城拍拖,各自有新歡。不過昨日有周刊報道指詩詠趁仍處於觀察期的洪永城(Tony)離港工作,與型男沈震軒夜遊西貢兼食甜品。
報道又指受過情傷的詩詠,對感情生活的睇法亦有所不同,拍散拖慢慢揀。本報昨日向詩詠求證此事,她透過WhatsApp回覆表示一笑置之,再問到Tony有沒有嬲?她說:「哈哈,你問番佢喇!」

莊思敏讚沈震軒Nice

與此同時,沈震軒亦被指得到莊思敏的錯愛,兩人更高調在Instagram晒拖手相。昨日莊思敏在金鐘出席美甲活動,談到緋聞,她說:「嗰張拖手相叫『Follow me』,只係玩吓,我哋係朋友,不過佢都好有女人緣,佢個人都好nice,又識得照顧人。」問到發展機會,莊思敏笑說:「機會唔大喇!」問會否向對方打聽與唐詩詠的緋聞,她說:「佢好似喺日本喎,我對上一次見佢係電影嘅煞科,一個月後又會做宣傳,留番到時先問佢喇!」被問到自身的感情生活時,莊思敏說:「空白囉,冇人追,諗住拍劇可以識多啲男演員,點知全套劇得陳豪一個,冇機會喇。」
至於沈震軒,他透過WhatsApp回覆表示:「不在香港,暫時不作回應!謝謝!」
採訪:黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載