› 選擇地區
三藩市
紐約
洛杉磯
其他美國地區
香港 台灣 北美
 
2015年06月24日

拍《葉問3》傷唔停
子丹𠱁詩詩 戰績當暗瘡

甄子丹攜太太汪詩詩出席慈善活動,透露大前日拍攝《葉問3》時又告受傷。

甄子丹、汪詩詩夫婦、名模Jocelyn Luko與丈夫Anthony等,昨日於尖沙嘴金域假日酒店出席「THE ONE國際人道主義獎2015晚宴暨頒獎禮」,甄子丹以慈善機構THE ONE的大使身份出席頒獎禮,早前子丹在上海拍攝《葉問3》時被張晉誤傷鼻樑,昨日見他鼻樑有明顯傷痕,子丹說:「已經好番七七八八,當係暗瘡。男人多啲戰績都好,身體內傷就多到數唔到。」

在父親節當日,子丹拍戲時又傷及額頭,現時左眼眼皮亦見瘀腫,子丹談及受傷經過時說:「拍嗰場戲我拎住雙棍,對住40個武師,混亂中飛咗個斧頭過嚟,刀柄整到眼,我有問係邊個,但冇人敢出聲,我冇追究。」問他過往最嚴重的傷勢?子丹說:「入廠、縫針,見血、骨傷都好容易好番,跟一世嘅係筋膜,每晚瞓覺都會痛。」

為意頭唔索償

身旁的太太詩詩指擔心老公傷勢,她說:「我諗住套戲快拍完,點知又受傷,仲整親眼。佢話對付40個人仲易過對付我。」子丹即解釋說:「40個人可以見招拆招,對老婆好難。冇乜事唔會特別話畀老婆知,免佢擔心。」子丹更謂為了好意頭,從來都不會向保險公司索償。此外,Jocelyn夫婦昨日盛裝赴會,為大會擔任司儀。
採訪:張俊銘
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載