› 選擇地區
三藩市
紐約
洛杉磯
其他美國地區
香港 台灣 北美
 
2015年06月27日

【我主場】
陳奕迅愛妻號無條件

有種愛情叫陳奕迅和徐濠縈!他們結婚9年,兩個外表都是強勢的人,以為陳奕迅(Eason)一定是家中的話事人,他卻說:「其實佢有主見過我!」以為阿徐只會扮靚和跑馬拉松?他卻說:「佢𠵱家好緊張我嘅健康,所以屋企有好多藥材。」
撰文:余燕儀

相關新聞:圈中好友盡情亂噏

人離不開事業和感情,陳奕迅雖然工作很忙,但他會花心思為老婆搞浪漫,前年徐濠縈生日要到日本工作,Eason瞞着她買機票秘密上機送花製造驚喜,日前Eason在將軍澳接受本報專訪,談到夫婦相處之道時,他說:「我哋畀好多空間大家,其實佢有主見過我,佢𠵱家好緊張我嘅健康,所以屋企好多藥材,因為佢覺得我做運動唔夠佢多,佢真係好勁。」

老婆照顧健康飲食

身形粗壯的Eason健康有甚麼問題?下月41歲的他說:「係膽固醇高啲囉,咪食少啲牛雜,運動就一個禮拜打兩場羽毛球,可能要踩埋單車囉,佢(徐濠縈)就嚟做三項鐵人,好勁,對自己體能上挑戰,我就casual啲,但weekend有做tour,其實算keep住做運動,一星期有三四日做運動都OK啩,佢係擔心我踏入4字頭,乜嘢天氣又要食啲乜,佢好着重健康嘅嘢。」
兩人結婚9年,Eason最近一次與老婆爭拗是為何事?他說:「好耐喎,我諗超過5年,真係唔記得咗乜嘢事,我哋其實冇乜爭拗。」是否相信有無條件的愛?他說:「我信,父母對我一定無條件,同埋我兩隻狗仔都係。」自己能否無條件愛人?Eason說:「我從來愛人都冇乜條件,愛你就愛你,唔愛你就唔愛你,愛人有條件好辛苦,我最愛梗係我家人。」

Eason的獨女康堤已10歲,有否想過再生小朋友陪女兒?他說:「我最近有朋友嘅爸爸走咗,佢係獨女,佢有同我講,真係幾辛苦,要獨力照顧媽媽感受,爸爸走咗佢又好唔開心,一個人冇兄弟姊妹同佢分憂,佢提我『唉!你都係生多個啦!』如果係生多個,都係為咗呢樣嘢,其實我𠵱家覺得幾滿足,可能習慣咗呢10年生活模式,幾好吖,我覺得到最尾順其自然啦。」
做爸爸難還是做歌手難?他說:「做爸爸難好多,爸爸要自己揣摩點做,其實係面對小型嘅自己,歌手係好多人湊你。你睇吓我,今日有七個人幫我做嘢,有幾難?」覺得自己是否好爸爸?他笑說:「盡力啦,其實真係唔多時間擺屋企,記得有日囡囡問我『你係咪一定要開會?』我話係呀,如果同你睇電視又好、睇戲又好,跟住你瞓覺我去開會,我會好攰頂唔順!有啲人會發脾氣:『你知唔知,我咁努力搵錢都係為咗養屋企?』我真係唔覺得係為供養:『你睇吓你,讀咁好學校,食咁好嘢又有工人。』我去巡迴因為真係鍾意,我唔係為咗養你,所以我哋關係幾好,我覺得我冇辜負我個女。」

髮型:Derek Li of Xenter
化妝:Karry Wong

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載