› 選擇地區
三藩市
紐約
洛杉磯
其他美國地區
香港 台灣 北美
 
2015年06月27日

信任嫩妻 踢走緋聞
魏駿傑:條刺拔咗喇

魏駿傑最近被指與內地嫩妻張利華因為前港隊單車手鄧宏業介入而令婚姻亮紅燈,雖然事後承認夫婦兩人的確有拗撬,不過否認要跟太太離婚,強調太太也想維繫婚姻。但日前又有報道指兩人關係仍然疏離,只顧扮靚的張利華早出晚歸,夫婦二人零交流。

「百分百信太太」

昨日魏駿傑與姜皓文在灣仔為陶大宇主持的節目《我愛煮食男》任嘉賓,有備而來的魏駿傑,坦言有看過報道並說:「首先我同太太澄清一吓,我哋感情相當唔錯;第二,話我太太花姿招展,我就非常認同,我搵到錢佢先有資格花姿招展,我諗冇乜男士想老婆出嚟衣衫襤褸;第三,我太太啲衫,講個秘密大家聽,好多都係淘寶貨,呢個一定要澄清,佢好節儉嘅。」笑問他是否借意讚老婆身材好?他說:「佢係身材好,比起好多人身材都好。」
傑仔續說:「第四,話佢唔照顧個女,係我哋分工分到好細,佢送完女返學就去上堂,佢𠵱家讀緊考遊艇,佢好不幸第一次考唔到,噚日補考,考到其中一科,唔係唔照顧個女。」

傑仔直言因近日的新聞反而令感情更好:「兩公婆都會有拗撬,但其實好小事,有時係自己暴躁,家暴梗係冇,我夠鬼膽咩,其實我好細膽,有小朋友維繫一家好緊要。」曾經坦言因為老婆與單車手傳緋聞令傑仔心裏有條刺,問他現在又有否這條刺?他笑說:「拔咗喇,拔咗好耐喇,條刺用眉鉗拔咗出嚟,我百分百信太太。」但傑仔承認可能太錫囡囡而忽略太太,他說:「我會檢討吓,我哋浪漫嗰陣,我幫佢捽腳指時,你哋見唔到箒。」
採訪:溫敏之
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載