› 選擇地區
三藩市
紐約
洛杉磯
其他美國地區
香港 台灣 北美
 
2015年06月27日

千嬅肺炎初癒嗌減產

千嬅早前患上肺炎仍要為電影《迷你兵團》配音,她前晚在首映禮上揚言會減產休養。

楊千嬅早前因早期肺炎入院八日,由於身體狀況不適合過份勞累,演唱會被迫取消,其他工作亦會視乎情況再決定是否延期。早前楊千嬅帶病為電影《迷你兵團》(Minions)配音,前晚她戴着一個極之搶鏡的迷你兵頭飾現身旺角首映禮,她表示第一次做配音,曾擔心過因病未能繼續,她說:「其實因為嗰段時間入咗院,自己5月16號入院,18、19號要配音,因為唔改得,配完send返去美國聽,開頭話冇得改時間,但電影公司好好,特別改到25號,醫生又好好畀我出院,係我囈佢畀我出院,話淨係配音用聲唔會操勞,所以醫生先畀我去,亦多謝電影商肯等我,畀五日我去配,因為自己唔夠氣,電影公司方面就我,每日配2至3個鐘。」

湊仔返學壓力大

千嬅透露開始減少工作,不過有合約的不可以推,至於巡迴演唱會,會做到11月完,之後打算休息幾個月,她說:「本身公司有套戲出年年頭拍,但要求公司過年後先拍,𠵱家自己好番晒,不過要好好控制唔好翻發,所以要好好養生,好彩阿仔𠵱家放暑假,平時要早起身湊返學大壓力。」
採訪:譚倩宜
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載