› 選擇地區
三藩市
紐約
洛杉磯
其他美國地區
香港 台灣 北美
 
2015年06月29日

晶晶追女冧老公?
霍啟剛:順其自然

霍啟剛、郭晶晶、Twins、關之琳與港姐邵珮詩等,昨日於金鐘港麗酒店出席「一笑慈善晚宴」,以一笑大使身份出席晚宴的郭晶晶與丈夫霍啟剛結伴出席,問到會否帶同兒子中曦做慈善?霍啟剛說:「大啲啦!𠵱家未夠兩歲,但我覺得好值得參與。」是否喜歡兩公婆做慈善?他說:「一齊去、一家人嘛。」

阿嬌罕有性感

談到兒子下月便兩歲生日,會否開派對?霍啟剛說:「我未問老闆(指着身旁的晶晶),不過應該唔會大排筵席,最緊要一家人,大排筵席好多人會送禮,未必對小朋友好。」提到是時候追多個,記者還笑指追個女兒冧爹哋(霍啟剛),霍啟剛笑說:「永遠都係四個字順其自然。你好似講到話得就得。」

去年港姐冠軍邵珮詩被問到參選港姐要靠後台的報道,她說:「冇呢啲事,有評判先選到入去,係專業決定。我覺得(後台)唔重要,最重要臨場表現,睇自己適唔適合呢行。」至於身為維他奶後人、也有家底的她,表示參選時沒有跟公司提及,她說:「參選時只填提名人名,入圍後先填父母名。」
此外,Twins表示希望在晚宴的拍賣環節內投畫,阿Sa說:「我哋budget唔多,希望唔好咁多人同我哋爭。」穿上低胸晚裝的阿嬌則說:「名畫保值,喺7、8年前我去咗展覽,如果當時買咗嗰幅畫,𠵱家可以買到一層樓,但冇得後悔。」
採訪:黃曉妍 
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載