› 選擇地區
三藩市
紐約
洛杉磯
其他美國地區
香港 台灣 北美
 
2015年06月30日

被插不顧而去
張致恒撞車爭拗掀羅生門

張致恒(Steven)前晚與「香港珠寶小姐」女友莊端兒在旺角百利達商場疑發生撞車,被白色座駕車主拍片擺上網狂插:「我落佢上,我知佢唔夠彎過,我停定,佢睇都冇睇照扭,直到我車感覺到郁,我就響按,佢冇理我直上7樓,上到去佢仲惡過我,問我call人定報警,明星喎!」在短片中,見Steven無奈說:「如果真係我哋錯嘅話,睇閉路電視,咁我哋咪賠囉。」女友莊端兒則說:「咁所以我唔明你無啦啦做乜呠。」
對於被狠插明星大晒不顧而去,Steven昨日透過短訊澄清:「警察睇過,話唔關我事,最後雙方離開,唔使我賠錢,我哋都冇撞到任何嘢,警察話我冇撞到佢。」問當時是否他駕駛黑色Benz?Steven回覆:「我女友。」記者翻查車牌得知,Benz是莊端兒持有。

雖然Steven不願透露詳情,但前晚在場的友人King就代抱不平,向本報講出另一版本,King指他們泊車後,着背心的白色車主很兇地大叫:「你知唔知你哋撞到我架車啊?」King說:「佢哋話我哋挨到佢架車,之後報咗警,警察到照勻晒我哋架車一啲痕迹都冇,仲落埋簿。」
莊端兒前晚虛驚一場後,昨早約11時,本報發現她單拖到沙田一田百貨試比堅尼,她竟着住三點式走出試衣室找店員幫忙綁背後的泳衣帶,還狼狽到幾乎走光,嚇到她連忙㩒實比堅尼。其後莊端兒到停車場取車時,不知是否有陰影,還刻意圍着黑色Benz視察一圈,才駕車離去。
此外,已離開樂壇的Steven家姐張詠恩(Yan),昨午5時半則現身中環歌賦街踱步,之後入店舖睇睡袍和泳衣,離去時被問到Steven涉撞車,Yan力撐細佬:「佢揸車OK,但噚晚係佢女友揸車,都好安全,事件交警方處理唔講咁多。」
採訪、攝影:徐錦池、梁繼光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載