› 選擇地區
三藩市
紐約
洛杉磯
其他美國地區
香港 台灣 北美
 
2015年07月07日

【我主場】
梁漢文:我係好情人

梁漢文將於下月舉行第4次個人演唱會,自覺無論人生和樂壇都到了中轉站,所以將個唱命名「中場表演」。攝影:陳順禎

現年43歲的梁漢文(Edmond),多年來學懂將路上遇到的沙石視為人生經驗,他自覺已到人生中轉站,所以他將下月的演唱會命名為「中場表演」。自認是個好情人的Edmond,除了陪老婆林文慧走過抗癌之路,又會𠱁老婆搞驚喜,他說:「珍惜當下,我好享受𠵱家擁有嘅一切!」
撰文:余燕儀

於89年參加華星新秀入行的梁漢文,將於下月舉行第4次個人演唱會「梁漢文紅館中場表演2015」,日前他在牛頭角接受專訪說:「中場表演嘅靈感嚟自美式足球嘅halftime show,希望除咗有正歌聽之外,大家會感覺好熱鬧。另外一層意義,因為自己喺樂壇、人生行咗唔短時間,唱咗20幾年歌,其實都好似一個中轉站。」

難忘《10號》

回望過去,Edmond覺得上半場精采絕倫,他說:「我覺得自己都豐盛,吸收咗好多人生體驗,由攞住書包參加新秀開始,盲舂舂入咗呢行,一路上上落落。當然問番我最難忘一年,我會揀03年come back返樂壇,做咗一隻大家好鍾意唱片(《10號》)。
「至於唔開心嘅事當然都有,自己經過咁多日子,回望番其實唔使睇得咁嚴重,每個人都會遇到沙沙石石,呢個都係人生經驗,唔係經過呢啲事,唔會有成長嘅我,𠵱家要珍惜當下,我好享受𠵱家擁有嘅一切。」
前年,Edmond陪老婆林文慧戰勝了癌魔,雖然今年兩人踏入七年之癢,但感情卻堅不可破,林文慧更幫老公設計個唱戰衣,還獻計要他玩降落傘出場,他說:「佢同以往一樣都係負責衫,今次誇張啲,有啲衫想我扮植物,降落傘就爭取緊,自己都覺得幾特別幾有趣,因為佢唔了解製作,反而啟發到我哋。」問到太太的身體狀況,他笑着說:「好,仲好打得,因為成日畀我捉去打拳跑步,以往佢少運動,我覺得一齊做運動,對佢最有益處。」

幽默優勝

鄭秀文曾表示如果要在BIG FOUR中揀情人,會選有幽默感的Edmond,他笑說:「佢焗揀啫,我諗自己都係好情人,兩個人相處日對夜對𠱁對方開心好應該,大家冇咁死板。我成日都𠱁老婆啦,搞吓驚喜,我諗佢最驚喜一次,係我舊年安排去韓國旅行,佢好鍾意睇《來自星星的你》,我靜雞雞訂咗《星星》餐廳同佢過生日,嗰次好成功驚喜。」

化妝:Maggie Lee
髮型:Moe of FIFTH
場地:小樽噔

【不同角度睇騷】

曾講過紅館一定要做四面台的他,今次卻改開三面台,Edmond說:「希望有唔一樣角度睇梁漢文,做一個真正music show,以往做自己騷或BIG FOUR騷,發現自己講好多嘢𠱁觀眾開心,但呢樣唔係做騷嘅唯一,今次希望用音樂同視覺效果𠱁大家開心,進入梁漢文音樂世界,挑戰雙人彈單鋼琴。」
為了有最弗狀態演出,Edmond近月更戒了酒,他說:「𠵱家當然停咗,煙就戒咗3年半,加上做運動健康咗,人同聲嘅狀態都好咗。」為甚麼不完全戒酒?他笑說:「你當我神仙咩,乜都唔染指呀?都要放鬆吓,只要唔係影響到人就OK。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載